Osydan 98 jyl buryn, 1922 jyly jazýshy, dramatýrg, Qazaqstannyń halyq jazýshysy Safýan ShAIMERDENOV dúnıege keldi.
Soltústik Qazaqstan oblysy, Presnov aýdany (qazirgi Jambyl aýdany), Amankeldi aýylynda týǵan. Orta mektepti bitirgen soń, birshama ýaqyt óz aýylynyń ortalaý mektebinde muǵalim, Armııa qatarynda boldy.
1942-1943 jyldary Presnov aýdandyq komsomol hatshysy, 1942-1945 jyldary «Lenın týy» gazetinde tilshi, ádebı qyzmetker. 1950 jyly QazMÝ-diń fılologııa fakýltetin úzdik bitirdi. Sodan keıin respýblıkalyq jastar gazetiniń Qaraǵandy oblysy boıynsha tilshisi, 1952 jyly «Ádebıet jáne óner» jýrnalynyń bólim bastyǵy, Qazaqstan Jazýshylar odaǵy proza sekııasynyń meńgerýshisi, 1955 jyly «Qazaq ádebıeti» gazeti bas redaktorynyń orynbasary, 1958-1960 jyldary Qazaqstan Jazýshylar odaǵy basqarmasynyń hatshysy, 1970-1975 jyldary Qazaq KSR Mádenıet mınıstrligi repertýarlyq alqasynyń basshysy bolǵan.
«Bolashaqqa jol» atty alǵashqy romany 1953 jyly jaryq kórdi. Bul týyndy keıin «Inesh» degen atpen orys tiline aýdaryldy. «Ómir nury» atty povester ıkline taqyryby, ıdeıasy jaǵynan ózekti bir jeli, bir nysanaǵa baǵyndyrylǵan alty povest - «Mezgil», «Qarǵash», «Ómir nury», «It ashýy», «Májnún tal» - kirgen. Olar shetel tilderine áldeneshe ret aýdarylǵan. «Qaıdasyń, Zarına?», «Qyr gúli», «Ánim sen ediń», «Marǵaý», «Tórt boıdaq, bir qyz», «Ókil áke», «Túıe kótergen», «Arýana dúnıe» pesalary kóptegen qazaq teatrlarynyń sahnasynda qoıylyp keledi.
Úndi jazýshysy R.Tagordyń «Kúıreý», «Gáýirmaqan» romandary men «Altyn saǵym» degen atpen jaryq kórgen áńgimeler jınaǵyn, L.Tolstoıdyń «Albert» povesin, belarýs dramatýrgi A.Makaenoktyń «Trıbýnalyn», franýz kompozıtory Erve men dramatýrg A.Mılıajdyń «Túlki bıkesh» komedııasyn aýdarǵan. «Jyl qusy» povesi 1974 jyly VSPS pen KSRO Jazýshylar odaǵynyń jumysshy taqyrybyna arnalǵan konkýrsynda júldeli orynǵa ıe boldy.
Al R.Tagordyń «Kúıreý» romanynyń aýdarmasy úshin 1984 jyly Qazaqstan Jazýshylar odaǵynyń syılyǵyn, «Aǵalardyń alaqany», «Ádebı tolqyndar» atty kitaptary úshin 1988 jyly respýblıkanyń Abaı atyndaǵy Memlekettik syılyǵyn aldy.
1992 jyly Qazaqstan Respýblıkasynyń Halyq jazýshysy qurmetti ataǵyna ıe boldy. «Otan», «Qurmet Belgisi» ordenderimen marapattaldy. Petropavl qalasynyń Qurmetti azamaty.
2007 jyly Petropavlda qaıtys boldy.
