15 mamyr - Halyqaralyq Otbasy künı. Osyǧan bailanysty Qazaqstandyq qoǧamdyq damu instituty «Ruhani jaŋǧyru» otbasy institutyn zertteu ortalyǧy qazaqstandyq köp balaly otbasylardyŋ jaǧdaiyn jäne damuyn zertteu nätijelerın jariia ettı.
«Sız üşın otbasy nenı bıldıredı?» degen sūraqqa, sūralǧan qazaqstandyqtardyŋ jalpy sanynyŋ 73,1%-y otbasyn ömırdıŋ mänı retınde sanaitynyn aitqan. Sondai-aq tanymal jauaptar: 39% – «äulettıŋ erteŋı», 29% – «baqyt pen mahabbat», 16,9% – «jauapkerşılık pen mındettemeler», 7,9% – «qoǧamnyŋ negızı» jäne 1,6% – «jalǧyzdyqtan qūtqaru» dep jauap berdı.
Äielderdıŋ 75,1%-y jäne erlerdıŋ 51,3%-y otbasyn äulettıŋ erteŋı dep sanaidy eken.
«Ata-analardyŋ 69,3%-y «olar köp balaly bolǧysy keldı me?» degen sūraqqa, «İä, men ärqaşan köp balaly bolǧym keldı» dep jauap berdı. Sūralǧan myŋdaǧan respondentterdıŋ 65,2%-y tört balany tärbieleude, 34,8% – bes jäne odan da köp balany tärbieleude», - dep atap öttı otbasy institutyn zertteu ortalyǧynyŋ jetekşısı Jūldyz Battalova.
Otbasylyq jūptardyŋ köpşılıgı (78,9%) özderınıŋ otbasylyq qarym-qatynastaryn «öte jaqsy, bız bır-bırımızdı süiemız jäne qūrmetteimız» dep baǧalapty.
Zertteude köp adam otbasylyq qatynastardy nyǧaitatyn maŋyzdy sapa mahabbattan görı qūrmet dep körsetken. Sūralǧandardyŋ 68,2% osylai sanaidy. Sondai-aq, respondentter arasynda 90,2%-y ömırıne riza ekendıgın atap ötken, būl rette, ajyrasqan adamdardyŋ arasynda ömırıne rizalyǧyn 73,9%-y aitqan.
«70,4%-y balalardy tärbieleude küş qoldanuǧa terıs qaraidy, būl oryndy emes jäne dūrys emes dep sanaidy. Qazaqstandyq ata-analar özara tüsınıstık, qūrmet, mahabbatty joǧary baǧalaǧan», - dedı Jūldyz Battalova.
Aita ketu kerek, būl zertteu Qazaqstanda alǧaş ret ötkızıldı. Zertteu qorytyndysy boiynşa osy mäselege müddelı memlekettık organdar men basqa da ūiymdar üşın ūsynystar äzırlenetın bolady.
QQDİ «Ruhani jaŋǧyru» Otbasy institutyn zertteu ortalyǧy äleumettık institut retınde otandyq jäne halyqaralyq täjıribenı zerdeleu, otbasynyŋ problemalyq aspektılerın şeşu boiynşa ūsynystardy zertteumen, taldaumen, äzırleumen jäne Qazaqstandyq otbasylyq saiasattyŋ jai-küiı turaly jyl saiynǧy Ūlttyq baiandamany daiyndau üşın statistikalyq jäne äleumettık derekter bazasyn qūrumen ainalysady.
