Áleýmettik jelide Almatydaǵy №71 mektep-lıeı dırektory qyzmetinen zańsyz alyndy degen aqparat taraǵan edi. Almaty qalasynyń Bilim basqarmasy atalǵan jazbanyń qasaqana uıymdastyrylǵanyn aıtyp, arnaıy málimdeme jasady.
Basqarmanyń habarlaýynsha, №71 mektep-lıeı dırektory Kýlık S.N. esimdi áıel zańdy negizde qyzmetinen alynǵan. Almaty qalasynyń Sybaılas jemqorlyqqa qarsy qyzmeti Kýlık S.N. ústinen QR QK 189 baby, 3-b. (Óziniń qyzmet babyn paıdalana otyryp, senip tapsyrylǵan bóten múlikti ıemdenip alý nemese talan-tarajǵa salý) boıynsha is qozǵalǵan.
Tergeý barysynda anyqtalǵandaı, №71 mektep-lıeı dırektory S.N.Kýlık 2017 jyldyń 1 qyrkúıeginen bastap 2019 jyldyń 31 jeltoqsanyna deıin joq muǵalimdi jumysqa qabyldaý arqyly qaladaǵy bankomattardan 3 155 000 teńge aqshany zańsyz alǵan. Sóıte tura, atalǵan kezeńde "jumysqa qabyldanǵan" muǵalimniń Qazaqstanda jumys isteýi múmkin emes bolǵan. Ol kisi Qazaqstan aýmaǵynda da bolmaǵan, turaqty túrde shetelde turatyn adam eken.
Qazirgi kezde Kýlık S.N. óz kinásin moıyndap, jasaǵan qylmysy úshin qatty ókinetinin aıtyp otyr.
Almaty qalasynyń bilim berý basqarmasy Almaty qalasynyń Sybaılas jemqorlyqqa qarsy qyzmetiniń usynysymen dırektorǵa qatysty ázirge eńbek kelisimshartyn úzý túrindegi tártiptik jaza qoldaný kerek dep sheshti.
"Adyrna" ulttyq portaly
