Qazaqstandyq salalyq bılım jäne ǧylym qyzmetkerlerı käsıpodaǧynyŋ aralasuymen 2019 jyly respublika ūstazdaryna 2 067 124 753 teŋge qarajat qaitarylyp berıldı. Salalyq käsıpodaqtyŋ baspasöz qyzmetınıŋ habarlauynşa, būl - ūstazdardyŋ dūrys tölenbegen jalaqylary, sauyqtyru järdemaqylary men ıssapar şyǧyndary jäne merzımınen keşıktırılıp öndırılgen aqyly eŋbek demalysynyŋ qarajattary. Mūǧalımderdıŋ maŋdai terı näpaqasyn keşıktırıp töleu faktısı oryn alǧan aimaqtardyŋ arasynda Maŋǧystau oblysy köş bastap tūr. Qaitarylǧan somanyŋ 1 mlrd 400 mln teŋgeden astamy osy oblystyŋ ūstazdaryna tiesılı.
Salalyq käsıpodaq qyzmetınıŋ negızgı baǧyttarynyŋ bırı käsıpodaq müşelerınıŋ eŋbek qūqyqtaryn qorǧau.
Osy maqsatta 2019 jyly Qazaqstandyq Salalyq käsıpodaqtyŋ müşelık ūiymdarynyŋ qūqyqtyq qyzmetkerlerı bılım beru ūiymdarynda eŋbek zaŋnamasyn oryndau boiynşa 4057 qoǧamdyq baqylau jürgızıp, 3807 türlı eŋbek zaŋnamasyn būzuşylyq deregın anyqtady. Onyŋ 1117-ı ailyq aqynyŋ dūrys tölenbeuı boiynşa, 760-y jūmys uaqyty men demalu rejimınıŋ būzuşylyǧyna, 1328-ı - eŋbek qatynastaryn räsımdeuge jäne 632-ı basqa da qūqyq būzuşylyqqa qatysty.
Tekserıster nätijesınde Salalyq käsıpodaqtyŋ küşımen 40 qyzmetker jūmysyna qaitaryldy, onyŋ 8-ı sot arqyly. 132 qyzmetkerdıŋ zaŋsyz jūmystan qudalanuynyŋ aldy alyndy.
Salalyq käsıpodaqtyŋ qūqyqtyq inspektorlary käsıpodaq müşelerınıŋ qūqyqtyq sauattylyǧyn köteru maqsatynda bırqatar jūmys atqardy. Byltyrǧy jyly sala qyzmetkerlerıne 11 642 keŋes berıldı. 1 193 jazbaşa ötınış qaraldy.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz