Aýyzasharǵa barǵan 40 adamnan koronavırýs anyqtaldy

4262
Adyrna.kz Telegram

Qazaqstannyń bas memlekettik sanıtar dárigeri Aıjan Esmaǵambetova koronavırýs ınfekııasynyń áli de qaýipti ekenin aıtty, - dep habarlaıdy Tengrinews.kz tilshisi.

Aıjan Esmaǵambetova Qazaqstanda koronavırýstyń jappaı taraýy eńbek ujymynan tys jerde, ıaǵnı, adamdar kóp jınalýyna baılanysty ekenin aıtady.

"Qonaqqa baryp, úıge qonaq shaqyramyz. Mamandardyń eskertýine qaramastan qarapaıym erejelerdi saqtamaımyz. (...) Mysaly, Qaraǵandy oblysynda koronavırýs juqtyrǵan bir adam anyqtalǵannan keıin ınfekııanyń segiz oshaǵy anyqtalǵan. Bul jaǵdaıda ujymnyń ózinde 29 adam, al úı oshaǵynda 11 adam anyqtaldy. Iaǵnı, anyqtalǵan 11 jaǵdaıdan keıin taǵy 40 adam anyqtaldy. Onyń úsheýi - balalar. Túrkistan oblysynda da bir naýqas anyqtalǵannan keıin birden segiz oshaq tirkeldi. Nátıjesinde 20 adam juqtyrǵan. Onyń ekeýi 60 jastan joǵary adamdar", - deıdi Aıjan Esmaǵambetova OQK brıfınginde.

Sonymen qatar, júk kóliginiń júrgizýshisi ujymyndaǵy 6 adamǵa koronavırýs juqtyrǵan.

"Olar (alty adam - avtor) ınfekııany úılerine tasymaldap, taǵy 14 adam juqtyrǵan. Nur-Sultan qalasynda bir otbasynyń birden bes múshesi vırýs juqtyrǵan. Onyń ishinde qaýipti toptaǵy egde jastaǵy adamdar, ıaǵnı, olardyń ata-anasy. (...) Aıta ketetin jaıt, aýyzasharǵa barǵandardan da koronavırýs anyqtaldy. Osy sekildi mysaldar arqyly aýrýdy aýyr ótkizetin, arty ólimge ákelip soǵatyn úlken adamdar birden juqtyryp alýy múmkin ekenin aıtqym keledi. Ókinishke qaraı, ondaı jaǵdaılar da tirkeldi", - deıdi Bas sanıtar dáriger.

Eske salaıyq, Qazaqstanda koronavırýs ınfekııasyn juqtyrǵan 6 969 adam anyqtaldy. Onyń ishinde 3 649 adam aýrýdan aıyqsa, 35 adam qaıtys boldy.

Tengrinews.kz

Pikirler