Ózbekstan Bas prokýratýrasy Sardoba sý qoımasy boıynsha qylmystyq is aıasynda alǵashqy kúdiktiler ustalǵanyn málimdedi. Bul týraly Tengrinews.kz habarlaıdy.
"Qazirgi ýaqytta atalǵan qylmystyq is boıynsha eki adam kúdikti retinde ustaldy, olarǵa qatysty "qamaýǵa alý" bultartpaý sharasy qoldanyldy. Is boıynsha mán-jaıdy anyqtaýǵa kedergi keltirýdiń aldyn alý maqsatynda basqa málimetter jarııalanbaıdy", - dep habarlaıdy Bas prokýratýra óziniń Telegram-daǵy arnasynda.
Jergilikti BAQ málimetteri boıynsha, ustalǵandardyń arasynda - sý qoımasy nysanyn damytý jáne paıdalaný jónindegi dırekııanyń basshysy bar.
Eske salaıyq, Ózbekstanda 1 mamyr kúni bolǵan jańbyr men daýyldan keıin Syrdarııa oblysyndaǵy Sardoba sý qoımasy bógetteriniń biri jarylǵan bolatyn. Apat saldarynan, eldi mekenderge, kommýnıkaııalyq jeliler men aýyl sharýashylyǵy alańdaryna úlken zalal tıdi. Turǵyn úıler men basqa da nysandar sý astynda qaldy.
