Özbekstan senaty azamattardyŋ aty-jönın räsımdeuge qatysty özgerıster engızudı közdeitın zaŋdy maqūldady, dep habarlaidy "Adyrna" tılşısı.
Qūjatqa säikes, endı balaǧa äkesınıŋ atyn tegı retınde beruge mümkındık jasalady.
Qoldanystaǧy tärtıp boiynşa balanyŋ tegı ata-anasynyŋ tegıne qarai anyqtalady. Sonymen qatar ūlttyq dästürlerge säikes, äkesı nemese anasynyŋ şeşımımen balanyŋ atasynyŋ aty balaǧa tegı retınde berıluı mümkın.
Zaŋǧa engızılgen özgerıster balanyŋ äkesınıŋ atyn da tegı retınde räsımdeuge mümkındık beredı.
Senatorlardyŋ aituynşa, būl özgerıs azamattarǧa qosymşa qolailylyq jasap, olardyŋ qalauyn ūlttyq jäne dıni dästürlerdı eskere otyryp jüzege asyruǧa mümkındık beredı.
Būdan bölek, zaŋda käsıpkerlık qyzmetke qatysty «Lisenziiasyz biznes jürgızu» atty jaŋa qūqyqtyq institut engızu qarastyrylǧan. Onyŋ aiasynda käsıpkerlerge keibır qyzmet türlerın lisenziia nemese rūqsat almai, üş aiǧa deiın jüzege asyruǧa mümkındık berıledı.
Käsıpkerlık subektılerı uäkılettı organǧa elektrondy türde habarlama jıberu arqyly öz qyzmetın bastai alady. Olarǧa qyzmetın lisenziialyq jäne rūqsat beru talaptaryna säikestendıruge qosymşa uaqyt berıledı. Sondai-aq käsıpkerler jūmysyn synaq rejimınde bastap, onyŋ ekonomikalyq tiımdılıgın baǧalai alady.
Sonymen qatar zaŋ aiasynda «Arhiv ısı turaly» zaŋǧa da özgerıster engızıledı. Atap aitqanda, arhiv salasyndaǧy uäkılettı memlekettık organdardyŋ ökılettıkterı naqtylanyp, memlekettık emes jäne elektrondy arhivterdı ūiymdastyru tärtıbı belgılenedı. Būdan bölek, arhiv qūjattaryn vedomstvolyq arhivterde uaqytşa saqtau merzımderı retteledı.
