9 mamyr – Jeńis kúni! Máńgi umytylmas kún!

641

Esten ketpes eń sumdyq soǵystyń bolyp ótkenine 75 jyl toldy. Iaǵnı, Uly Jeńiske 75 jyl!

Uly Jeńistiń umytylmaıtyny sııaqty, soǵys ta umytylmastaı izin qaldyrdy. Sol zamanynda qanshama jannyń ómirin qıdy, qanshama jan múgedek halge tústi. Tipti, aman-esen oralyp kelgenderdiń oılarynda ot oranǵan kúnderdiń elesi qaldy. Máselen, meniń naǵashy atam sum soǵystan kóz janarynan aıyrylyp oralǵan eken. Sol soǵystyń izi bul ómirden ótkenshe joǵalmaǵan. Sondaı-aq, atam jyl saıyn «Jeńis kúnine» arnalǵan paradqa barar kezde sumdyq kúnderdi, sol kúnderde qasynda bolǵan joldastaryn eske alyp, ár jylǵy Jeńis kúnin jeńiske jańa qol jetkizgendeı erekshe sezimmen qarsy alady eken. Anam ol kezderi sábı júregimen, ákesiniń sol bir sezimderine asa mán bermegen. Keıin óse kele ákesiniń áserli áńgimelerin estip, Jeńis kúnininiń qanshalyqty erekshe kún ekendigin túsingen. Endi anam sol ákesiniń áńgimesinen uqqanyn, sezinip-túsingenin búginde bizderge áńgimelep otyrady. Meniń oıymsha, búgingi jastardyń árqaısysynyń ata-ájelerinen estelikke qalǵan «Jeńis kúni» týraly ereshke uǵymdary bar. Endeshe, búgingi beıbit kúnimiz úshin biz olarǵa máńgi qaryzdarmyz dep oılaımyn.

Jeńis kúni – bul san myńdaǵan urpaq úshin ortaq mereke. Bul mereke – beıbitshiliktiń jáne qaıyrymdylyqtyń máńgi jasampazdyǵyn dáleldeıtin, Otanyn qorǵaǵan jaýyngerler men ofıerlerdiń aıbynyn, Jeńisti jaqyndatqan tyl eńbekkerleriniń máńgi óshpeıtindigin dáleldeıtin belgi bolyp qalmaq.

Sol bir surapyl jyldary Qazaq halqy óziniń Otanyna, jerine degen perzenttik paryzdaryn, ulttyq maqtanyshtaryn dáleldedi. 

Bizdiń ata-ájelerimizdiń erlikteri men janqııarlyqtary, olardyń óz Otanyna degen sheksiz súıispenshilikteri Qazaqstannyń búgingi urpaǵy úshin maqtan tutarlyq úlgi ǵana emes, bul – birneshe urpaqty baılanystyratyn qoǵamnyń rýhanı damýy men ulttyq qaıta órleýiniń joǵary adamgershilik negizi dep oılaımyn.

  Jeńis kúni – abyroı men dańqymyzdyń merekesi. Tabandylyq pen erlik, Otanǵa degen súıispenshilik sum soǵysta Jeńiske jetkizdi.

9 mamyr – mereke ǵana emes, bul halyqtyń batyrlyǵy, bul jankeshtilikpen jeńiske jetý jolyndaǵy eren eńbek. 

Bizdiń azamattyq paryzymyz – bul kúndi máńgilik este saqtaý, otandy súıý, eldiń, jerdiń adal perzenti bolý. 

 

Ózbekov Dáýlet Janbolatuly

Almaty qalasy

 

Pikirler
Redakııa tańdaýy