Shyǵysta Qımaq qaǵanatynyń orny tabyldy

3783
Adyrna.kz Telegram

Shyǵys Qazaqstan oblysy, Zaısan aýdany, Qaratal aýylyna qarasty Jińishkesý eldi mekeninen 9-11 ǵasyrlarǵa jatatyn Qımaq qaǵanatynyń qalashyqtarynyń orny tabyldy. Elimizge belgili ǵalym, Shyǵys Qazaqstan oblysy Zaısan aýdany Shilikti aýylynan Qazaqstandaǵy úshinshi "Altyn adamdy" tapqan arheolog Ábdesh Tóleýbaı osy Qımaq qaǵanatynyń qalasyn anyqtap tapty deýge tolyq negiz bar. Jińishkesý eldi mekeninde jazyqtaǵy úlkendi-kishili tómpeshikter qalalardyń oryny dep boljalýda. Qazirgi kezde osy mekende Qımaq qaǵanatyna tıesili qysh ydystardyń synyqshalary kóptep tabylýda. Qurylysqa paıdalanǵan shaqpaq tastar, mys ydystardyń synyqshalary, mys pyshaq, mys ydystardyń synyqshalaryda, tastan oıylyp sheber jasalǵan áshekeı buıymnyń qaldyqtaryda tabylyp jatyr. Bunyń barlyǵy qum ústinde, tómpeshikter mańynan tabylyp otyr. Taǵy bir aıta ketetini,bul 9-11 ǵasyrlar aralyǵyndaǵy Qımaq qaǵanaty qalashyǵynyń aýmaǵy óte úlken. Osy mańda Qımaq qaǵanatynyń tusynda tutynǵan qysh ydystardy jasaıtyn balshyqtar áli bar. Apta basynda kelip ketken Arheolog Á.Tóleýbaı memlekettik taraptan qarjylaı qoldaý taýyp, aldaǵy ýaqytta tarıhı sensaııa týǵyzatyn Qımaq qaǵanatynyń qalashyǵyn zerttep, qazba jumysyn júrgizýge ruqsat alyp, qoldaý tappaq. Kıeli Shyǵystyń "Altyn qaqpasy– Zaısan" dep atalýyda beker emes. Kúni búgin osy bir tarıhı jańalyqtyń bastaýy bolar Zaısan aýdanynyń Qaratal aýylyna qarasty Jińishkesý eldi mekenine arnaıy baryp Á.Tóleýbaıdyń kórsetken oryny jazyq daladaǵy 9-11 ǵasyrdaǵy Qımaq qaǵanatynyń qalashyǵynyń orynyn aranaıy baryp, tarıh dáýirine qol tıgizip, shashylyp jatqan qysh ydystyń synaqtaryn ustap, kóp zattarǵa kýá bolyp qaıttyq.

Erkebulan Zaǵyparov,
jýrnalıst

Pikirler