Şyǧys Qazaqstan oblysy, Zaisan audany, Qaratal auylyna qarasty Jıŋışkesu eldı mekenınen 9-11 ǧasyrlarǧa jatatyn Qimaq qaǧanatynyŋ qalaşyqtarynyŋ orny tabyldy. Elımızge belgılı ǧalym, Şyǧys Qazaqstan oblysy Zaisan audany Şılıktı auylynan Qazaqstandaǧy üşınşı "Altyn adamdy" tapqan arheolog Äbdeş Töleubai osy Qimaq qaǧanatynyŋ qalasyn anyqtap tapty deuge tolyq negız bar. Jıŋışkesu eldı mekenınde jazyqtaǧy ülkendı-kışılı tömpeşıkter qalalardyŋ oryny dep boljaluda. Qazırgı kezde osy mekende Qimaq qaǧanatyna tiesılı qyş ydystardyŋ synyqşalary köptep tabyluda. Qūrylysqa paidalanǧan şaqpaq tastar, mys ydystardyŋ synyqşalary, mys pyşaq, mys ydystardyŋ synyqşalaryda, tastan oiylyp şeber jasalǧan äşekei būiymnyŋ qaldyqtaryda tabylyp jatyr. Būnyŋ barlyǧy qūm üstınde, tömpeşıkter maŋynan tabylyp otyr. Taǧy bır aita ketetını,būl 9-11 ǧasyrlar aralyǧyndaǧy Qimaq qaǧanaty qalaşyǧynyŋ aumaǧy öte ülken. Osy maŋda Qimaq qaǧanatynyŋ tūsynda tūtynǧan qyş ydystardy jasaityn balşyqtar älı bar. Apta basynda kelıp ketken Arheolog Ä.Töleubai memlekettık taraptan qarjylai qoldau tauyp, aldaǧy uaqytta tarihi sensasiia tuǧyzatyn Qimaq qaǧanatynyŋ qalaşyǧyn zerttep, qazba jūmysyn jürgızuge rūqsat alyp, qoldau tappaq. Kielı Şyǧystyŋ "Altyn qaqpasy– Zaisan" dep ataluyda beker emes. Künı bügın osy bır tarihi jaŋalyqtyŋ bastauy bolar Zaisan audanynyŋ Qaratal auylyna qarasty Jıŋışkesu eldı mekenıne arnaiy baryp Ä.Töleubaidyŋ körsetken oryny jazyq daladaǧy 9-11 ǧasyrdaǧy Qimaq qaǧanatynyŋ qalaşyǧynyŋ orynyn aranaiy baryp, tarih däuırıne qol tigızıp, şaşylyp jatqan qyş ydystyŋ synaqtaryn ūstap, köp zattarǧa kuä bolyp qaittyq.
Erkebūlan Zaǧyparov, jurnalist
