Murat Ábenov: Dári-dármekten paıda tabamyn degender báribir jazalanady

1180

QR Prezıdenti Q.Toqaevtyń búgingi úndeýine qatysty  Ulttyq keńes múshesi, qoǵam qaıratkeri Murat Ábenov pikiri bildirdi. Bul týraly "Adyrna" strategy2050-ge silteme jasap habarlaıdy.

Búgin Memleket basshysy ádettegiden shynaıy, resmı emes, halyqqa tikeleı qarap, júrekjardy sózderin joldady. Shynynda, sońǵy kúnderi el basyna qara bult úıirildi. Qarttarymyzdy qazynaǵa balaǵan halyq edik. Úlkenderimiz shet-shetinen mert bolyp jatqany janǵa batady. Soǵys kezeńi sııaqty. Keshe nemerelerdiń ortasynda otyrǵan qarııalarymyz uzaq aýyrmaı attanyp ketip jatyr. Artynda qalǵan balalary arýlap jer qoınyna tapsyrýǵa qınalýda. Janazasyn shyǵaryp úlgermeı qalǵandar da bar. Bárine sebep myna koronovırýstyq epıdemııa. Osyny eskergen Qasym-Jomart Toqaev halyqtyń qaıǵysyna ortaqtasyp, aza tutý kúnin belgiledi, - dedi Ábenov.

Ol dári-dármektiń qymbattaýy men dárihana sórelerinen joǵalýyna qatysty pikirin bildirdi.

Qazaq qaıǵy jutqan adamǵa kóńil aıtyp, sabyrlyqqa shaqyrady. Endi sabyrǵa kelip, myna pandemııaǵa qarsy naǵyz áreketter jasaıtyn kez kelgenin aıtty Prezıdent. Búgingi sózinde ol Úkimettegi birneshe mınıstrlikti qatań synǵa aldy. Shynynda naýryz aıynda halyqty úıge qamap qoıdy da, Densaýlyq saqtaý salasy staıonarlar men dári-dármek jaǵyn qazirgideı qıyn kúnderge daıyndamady. Aýrýhanalarda oryn joq, dárihanalarda dári joq. Prezıdent dári-dármekten paıda kóremin dep qymbatqa satyp jatqandar mindetti túrde jazalanatynyn aıtty. Elimizge PDR testterin jasaıtyn birneshe kompanııalar kirgizildi. Alaıda, olardyń jumysy kórinbedi. Óıtkeni, olardy tekserý jumystary aılarǵa sozylyp ketken. Qazir Prezıdenttiń tikeleı aralasýymen dári-dármekke qatysty másele sheshimin taýyp jatyr, - dedi Ulttyq senim keńesiniń múshesi.

Murat Ábenov jaqyndarynan aıyrylǵan adamdarǵa kóńil aıtyp, sabyrǵa shaqyrdy.

Qazir bir-birimizdi keshiretin, bir-birimizge janashyr bolatyn, birligimiz synalatyn kezeń keldi. Birigýimiz kerek, berilmeýimiz kerek. Elimizde vırýstyq aýrýdyń taralýy toqtasa eken dep tileımin, - dep qorytyndylady qoǵam qaıratkeri.

Aınara Baıjan,

strategy2050

 

Pikirler
Redakııa tańdaýy