QAZAQSTAN RESPÝBLIKASYNYŃ PREZIDENTI Q. K. TOQAEVQA
AShYQ HAT
Qadirli Qasym-Jomart Kemeluly!
Áleýmettik jeli betinde habarlanǵanyndaı, qazaqtyń bir týar dara perzenti Muhtar Shahanov Ózińiz alańdaýshylyq tanytyp otyrǵan ókpe qabynýy aýrýyna shaldyǵyp, Almaty qalasyndaǵy "Qalqaman" aýrýhanasynda em qabyldap jatyr.
Aýyrǵanyna bir jumadan asty. Emdeý sharalary áli kúnge deıin oń nátıje bere qoıǵan joq. Aýrýhana ákimshiligi M. Shahanovty aýrýǵa shaldyqqan kóp adamnyń biri retinde ǵana qabyldaýda.
Al M. Shahanov, Ózińiz biletindeı, KSRO kezinen bastap táýelsizdik alýymyz úshin qyzmet etken sanaýly tulǵanyń biri. Ras, joǵary bılik sheshimderiniń bárine birdeı bas shulǵı bermeıdi. Biraq Sizdiń ulttyq máselelerge qatysty sheshimderińizdi joǵary baǵalaıdy. Ózińiz Prezıdenttikke saılaýǵa túsken kezińizde de Sizge ashyq túrde qoldaý bildirip, ult zııalylaryn Sizdiń tóńiregińizde jınalýǵa shaqyrǵan bolatyn. M. Shahanov sol nıetinen bir sátke de aınyǵan joq.
Qurmetti Qasym-Jomart Kemeluly! Qazaq halqy erekshe qurmetteıtin M.Shahanovtyń aýrýhanada bir aptadan beri eleýsiz em qabylap jatýy, kópshilikke ártúrli oı salýda. Olarda: "Memleket qazaq ultynyń mártebesin, rýhanı qundylyqtaryn asqaqtatý turǵysynda bar ómirin sarp etken M. Shahanov sııaqty ulttyq tulǵalar densaýlyǵyna nege nazar aýdarmaıdy?", - degen alańdaýshylyq bar.
Mundaı halyq alańdaýshylyǵyn óz múddelerine paıdalanǵysy kelip júrgen kúshter de az emes. Soǵan oraı Sizden M. Shahanovtyń densaýlyǵyna memlekettik turǵyda nazar aýdarýyńyzdy suraımyz.
Ózińizge degen qurmetpen,
M. Shahanovtyń orynbasary, jazýshy, QR Mádenıet qaıratkeri
Qudııar BILÁL
