2019 jyly «SK-Farmasiia» kompaniiasynyŋ bır qyzmetkerınıŋ ailyǧy 852 myŋ teŋgenı qūrasa, jalpy osy jylǧa jalaqy qoryna 1,5 mlrd. teŋge jūmsalady dep josparlaǧan, sonyŋ ışınde bır jolǧy yntalandyruǧa ketken syiaqy mölşerı 273 mln.teŋge. Būl turaly "Adyrna" ūlttyq portaly Zertteu Research Institute Ükımettık emes ūiymyna sılteme jasai otyryp habarlaidy.
2018 jyly qyzmetkerlerdıŋ sany 129 adam bolsa, olardyŋ eŋbek aqysyna naqty 1,1 mlrd.teŋge jūmsalǧan. Osylaişa bır adamnyŋ ortaşa ailyq jalaqysy 733 myŋ teŋgege jetıp otyr. Al 2018 jyly bır rettık yntalandyru tölemı – 242 mln. teŋge bolypty.
2017 jylmen salystyrǧanda būl kompaniia qyzmetkerlerınıŋ qatary qatty artpasa da jalaqy qoryna jūmsalatyn qarjy kölemı bırşama öskendıgın köruge bolady. 2017 jyly eŋbek aqy qory 919 mln.teŋge bolsa, būl aqşaǧa 2018 jyly 250 mln. teŋge, al 2019 jyly 350 mln. teŋge qosylǧan. Osylaişa 2018 jyly ailyǧy 600 myŋ teŋge bolǧan qyzmetkerdıŋ ailyǧyna bırden 200 myŋ teŋge qosylyp, eŋbek aqysy 800 myŋ teŋgege jettı.
Serıktestık Qazaqstan Respublikasynyŋ farmasevtikalyq salasynyŋ tūraqtylyǧy men bäsekege qabılettılıgın arttyru, därılık zattardy, medisinalyq maqsattaǧy būiymdar men medisinalyq tehnikany satyp aludy şoǧyrlandyru jolymen farmasevtikalyq önerkäsıptı damytu maqsatynda qūrylǧan dep jazylǧan gr5.gosreestr.kz – te jariialanǧan damu josparynda.
Osy saittaǧy damu josparynyŋ mälımetı boiynşa «SK- Farmasiia» JŞS jarǧylyq kapitaldaǧy ülesı 100 paiyz memleketke tiesılı ekendıgı körsetılgen.
Osy mälımetterdı oqyp otyryp, qyzmetkerlerınıŋ eŋbekterı basqa salada jürgenderge qaraǧanda edäuır joǧary baǧalanatyn, özınıŋ maqsaty elımızdıŋ farmasevtikalyq salasynyŋ tūraqtylyǧy men bäsekege qabılettılıgın damytu dep körsetılgen, onyŋ üstıne 100 paiyz memlekettıŋ qaramaǧyndaǧy (baqylauyndaǧy) kompaniia bola tūra, osyndai qysyltaiaŋ kezde özı az halyqty der kezınde kerek därımen nege qamtamasyz ete almai qaldy eken?
«Adyrna» ūlttyq portaly
Ūqsas jaŋalyqtar
