Almatydan Taraz qalasyna student bolyp ketıp, aktrisa bolyp oralǧan jas öner iesı Usenova İnjaiymmen “Adyrna” ūlttyq portaly sūhbattasqan edı. Sürınıp qaita tūrǧan öner iesınıŋ sübelı äŋgımesın nazarlaryŋyzǧa ūsynamyz.
- Almaty-armandar oryndalatyn qala. Osy qalany qiyp Taraz qalasyna ketuıŋızge ne sebep boldy?
- Almatyǧa grantqa oquǧa tüse almaǧan soŋ özıme qaltam köteretın oqu ornyn ızdep Taraz qalasyna bardym. Jaqyndarym bolǧan soŋ ata-anam da qarsy bolmady. Qūjattarymdy tapsyryp, Almatyǧa qaita kelgenımde jylaǧym kelıp, Tarazǧa oquǧa tapsyrǧanym üşın ökıngenım ras. Al qazır quanamyn. Armandar tek qana Almatyda oryndalmaidy. Būiyrǧan ketpeidı, quǧan jetpeidı demekşı barlyǧy nietıŋe, baǧyŋa qarai bolady.
- «TİGU jastar teatryna» qalai keldıŋız?
- Oquǧa tüsken jyly “Bız talanttardy ızdeimız” degen saiysqa qatysyp jüldelı oryn aldym. Kelesı künı “Tigu jastar teatrynda” kasting bolyp jatyr degendı estıdım. Alǧaşynda män bermegen edım, keiın universitettegı aǧa-äpkelerım “Baryp baǧyŋdy synap kör, sen kastingtan ötesıŋ!” dep qoldau körsetken soŋ köŋılderın qimai bardym. Kastingten aǧa-äpkelerım aitqandai ötıp kettım. Basynda ne bolǧanyn tüsınbei jürdım. Keiın qatty quandym. Osylaişa qazır “Tigu jastar teatrynyŋ” jas aktrisasymyn.
- Teatrda jürgenıŋızge qanşa jyl boldy? Sol jyl ışınde qanşa sahna men qanşa qalany baǧyndyryp ülgerdıŋız?
- Biyl mıne üşınşı jylǧa aiaq basty. Ūstazym men komandanyŋ arqasynda qanşa qala men auyldardy aralap şyqtyq. Qazaqstannyŋ oŋtüstık-soltüstıgın kördık. Ortalyqqa da baryp öner körsetıp qaittyq. Şyǧys Qazaqstan öŋırıne de gastrolge şyqtyq. Batysqa barudy josparlap otyrǧanymyzda myna ındet taraǧan soŋ şyǧa almadyq. Şekaralas bauyrlarymyz Qyrǧystanǧa da qonaq bolyp qaittyq.
- Teatrda eŋ alǧaş oinaǧan spektaklıŋız qandai? Jäne kımnıŋ rölınde oinadyŋyz?
- Eŋ alǧaş «Jeltoqsan jaŋǧyryǧy» spektaklınde Dämetkennıŋ (Qairat Rysqūlbekovtyŋ anasy) rölın oinadym. Eŋ alǧaş kastingke barǧanda Dämetkennıŋ dialogyn oqyǧan edım. Sol kezde ūstazym maǧan “Ainalaiyn qyzym, senıŋ özıŋdı, sözıŋdı körıp Dämetkennıŋ özın körgendei boldym. Senı sonşa küttık qoi. Dauysyŋnan ainaldym. Senı sonşa küttık qoi”,- depemırenıp, sol röldı maǧan tapsyrdy. Eŋ alǧaşqy rölım osy.
- Mamandyǧyŋyz önermen bailanysty ma? Teatr sabaǧyŋyzǧa kedergı keltırmei me?
- Oquym önermen bailanysty emes. Alǧaşynda oquǧa aǧylşyn tılı pänınıŋ mūǧalımı bolyp tüstım. Keiın ata-anammen aqyldasyp filologiia mamandyǧyna auystym. Qazır osymamandyq boiynşa bılım alyp jatyrmyn. Teatr oquyma kedergı keltırmeidı. Ekı jaqty qatar alyp, ülgerıp jürmın. Bıraq oquǧa qaraǧanda tetarda uaqyt ötkızgen özıme qatty ūnaidy. Keide sabaqtan qaşyp teatrdaǧy daiyndyqtarǧa ketıp qalatyn kezder de bolady. Janym teatrdy qalaidy.
- Özıŋızdıŋ teatrdaǧy ūstazyŋyz kım?
- Önerge baulyǧan ūstazym änşı, kompozitor, QR eŋbek sıŋırgen qairatker-Äbiırbek Tınäliev. Boiymyzdaǧy talantty odan ärı darytqan, bar bılgenın üiretıp, boiymyzǧa sıŋırtken ūstazyma ärqaşan da alǧys aityp jüremın. Tek qana akterlık şeberlıgımızdı ǧana şyŋdap qoimai, ömırlık azyq bolar aqylyn da aityp jüredı.
- Bala kezıŋızde ülken sahnada öner körsetudı armandadyŋyz ba?
- Sahnanyŋ ülken-kışısı bolmaidy. Teatraktrisasy boludy armandap ülgermedım de.Bıraq, kinoǧa tüsıp, jürgızuşı boludy armandaityn edım. Osylai taǧdyr özı menı osy jolǧa saldy. Bızge osyndai mümkındık bergen universitetımızdıŋ rektory Sauryqov Erbolat pen teatrymyzdyŋ prodiuserı Aşirbekov Sanat aǧaiǧa alǧys bıldıremın.
- Özıŋızdıŋ zamandastaryŋyzǧa qandai keŋes beresız?
- Mamandyq taŋdaudan qatelespeŋızder. Men siiaqty bır jyldy bosqa ötkızıp jürıp qalmaŋyzdar. Qatelespeitın adam bolmaidy, osyndai qatelıkterdıŋ arqasynda ömır sürudı üirenmız. Ata-anaŋyz aitqan mamandyqty emes, janyŋyz qalaǧan mamandyqty taŋdaŋyz. Ata-anaŋyzǧa keiın qatelespegenıŋıŋızdı däleldei alasyz. Aqşa köp jerge emes, jeteleitın jerge ūmtylyŋyz. Ömırlık täjırbiemnen bar aitarym osy.
“Adyrna” ūlttyq portalynyŋ atynan sızge şyǧarmaşylyq tabystar tıleimız. Önerıŋız örge jüze bersın!
Sūhbattasqan: Laura TŪRSYNJAN,“Adyrna” ūlttyq portaly
