Ekıbastūz audanynda «Ruhani jaŋǧyru» baǧdarlamasy jüzege asuda

«Bolaşaqqa baǧdar: qoǧamdyq sanany jaŋǧyrtu» baǧdarlamasy şeŋberınde Ekıbastūz aimaǧy boiynşa jobalardy jüzege asyru jūmystary jalǧasuda. Iske asyrylatyn jobalardyŋ jūmys jospary bekıtılıp, tiıstı ıs-şaralar jürgızılude. Mäselen, "Ūlttyq tarihty jaŋǧyrtu. İsabek İşan kesenesın ("Kielı geografiia"arnaiy jobasy) nasihattau jūmystary jürgızılude. Ekıbastūz öŋırınıŋ kielı jerlerınıŋ respublikalyq kartasyna ekı maŋyzdy nysan kırdı: Aqköl-Jaiylma qalaşyǧy jäne İsabek İşan Hazıret kesenesı. İsabek İşan kesenesı Aqköl auyldyq okrugınde (Aqköl-Jaiylma) ornalasqan. Biyl jergılıktı biudjetten elektr beru jelılerınıŋ qūrylysyna 65,0 mln. teŋge bölındı.  Jūmysty "ABS - Electric" JŞS merdıgerlık ūiymy (Taldyqorǧan q.) oryndady. Bügınde elektr jelısınıŋ qūrylysy aiaqtalǧan. Sondai-aq kesenenı jäne oǧan ırgeles aumaqty abattandyru boiynşa ıs-şaralar ötkızıldı. Būl jūmys demeuşılık qarajat tartu esebınen ūiymdastyrylǧan. Mūnyŋ bärı elımızdıŋ basqa öŋırlerınen keluşıler men turister sanyn edäuır arttyruǧa mümkındık beredı. Oblystyq tızımge "Aq bidaiyq", "Äulieköl qorymy" jäne "Öleŋtı jazbalary" petroglifterı engızıldı. Osy kielı oryndardy qorşau boiynşa jūmystar jürgızıldı. Sondai-aq, tört jaŋa nysan anyqtaldy:             Küreŋbai synşy ziraty (ataqty jylqy bılgırı Küreŋbai Bekūly ömır boiy şeşendık önerımen tanymal bolǧan.  Mazary Törtüi auylynan soltüstık-batysqa qarai 4 km jerde ornalasqan. Būl mazar jergılıktı maŋyzdylyǧy bar qajylyq nysany bolyp tabylady. Eskertkışke keletın adamdar dūǧa oqyp, qūrban şalady, būrynǧy ötken ata-babalarynan qoldau sūraidy).               Tüite äuliesınıŋ tasy (Būl tas Äulieköl kölınıŋ jaǧasynda, Qarajar auylynyŋ maŋynda ornalasqan. Eskertkış ekı ülken tastardyŋ qaldyqtarynan tūrady. Qazırgı uaqytta būl tastar jerde jatyr jäne jergılıktı tūrǧyndar oǧan qorşau jasaǧan.  Auyl adamdary qasiettı tastyŋ janynan öterde oǧan dūǧa etedı, tılek tıleidı.                   Äulieköl kölı (Äulieköl kölı Ekıbastūz qalasynyŋ auyldyq aimaǧynyŋ soltüstık-batysynda ornalasqan. Ǧalymdardyŋ pıkırınşe, köldıŋ emdık qasietterı bar. Qasiettı su är türlı terı aurularyn, jaraqattardy emdeidı. Būl kölde şomylu adam densaulyǧyna jaǧymdy äser etedı).             Amaldyq sopynyŋ mazary (Būl jerde kezınde belgılı uaǧyzşy bolǧan Amaldyq sopy jatyr. Kesenenı onyŋ balalary salǧan. Balşyqtan kırpış jasau tehnologiiasynyŋ arqasynda qūrylys ūzaq uaqyt boiy jaqsy saqtalǧan. Sazǧa jün jäne basqa da komponentter aralastyrylǧan, sondyqtan bekınıstıŋ kırpışterı ūzaq uaqyt boiy myqty bolady). Barlyq jobalar men josparlar däiektı türde oryndaluda.       Ekıbastūz qalasy äkımdıgınıŋ baspasöz qyzmetı