Memleket basshysy Tótenshe jaǵdaılar mınıstrligin qurý týraly jarlyq shyǵardy

2647
Adyrna.kz Telegram

Qazaqstan Respýblıkasynyń Prezıdenti Tótenshe jaǵdaılar mınıstrligin qurý týraly jarlyq shyǵardy. Bul týraly "Adyrna" tilshisi Aqordaǵa silteme jasap habarlaıdy.

 

Qazaqstan Respýblıkasynyń Tótenshe jaǵdaılar mınıstrligin qurý týraly jarlyq

Qazaqstan Respýblıkasy Konstıtýııasynyń 44-babynyń
3) tarmaqshasyna sáıkes memlekettik basqarý júıesin jańǵyrtý jáne tıimdiligin arttyrý maqsatynda QAÝLY ETEMIN:

1. Qazaqstan Respýblıkasynyń Tótenshe jaǵdaılar mınıstrligi, oǵan:

Qazaqstan Respýblıkasy Ishki ister mınıstrliginiń tabıǵı jáne tehnogendik sıpattaǵy tótenshe jaǵdaılardyń aldyn alý jáne olardy joıý, Azamattyq qorǵanys, órt qaýipsizdigi, tótenshe jaǵdaılardyń aldyn alý men olardy joıýdyń memlekettik júıesiniń jumys isteýin jáne odan ári damýyn qamtamasyz etý, órtterdiń aldyn alýdy jáne sóndirýdi uıymdastyrý salasyndaǵy qyzmeti;

Qazaqstan Respýblıkasy Indýstrııa jáne ınfraqurylymdyq damý mınıstrliginiń ónerkásiptik qaýipsizdik salasyndaǵy memlekettik saıasatty qalyptastyrý jáne iske asyrý;

Qazaqstan Respýblıkasy Ulttyq ekonomıka mınıstrliginiń memlekettik materıaldyq rezervti qalyptastyrý jáne damytý boıynsha fýnkııalary men ókilettikteri berile otyryp, qurylsyn.

  1. Qazaqstan Respýblıkasynyń Úkimeti:

1) Qazaqstan Respýblıkasy Prezıdentiniń Ákimshiligimen kelisý boıynsha qaıta uıymdastyrylatyn memlekettik organdar men jańadan qurylǵan Qazaqstan Respýblıkasynyń Tótenshe jaǵdaılar mınıstrligi, sondaı-aq olarǵa vedomstvolyq baǵynysty uıymdardyń arasynda shtat sanyn qaıta bólýdi;

2) osy Jarlyqty iske asyrý boıynsha ózge de sharalar qabyldaýdy qamtamasyz etsin.

3. Qazaqstan Respýblıkasynyń Tótenshe jaǵdaılar mınıstrligi beriletin fýnkııalar men ókilettikter sheginde Qazaqstan Respýblıkasynyń Ishki ister, Indýstrııa jáne  ınfraqurylymdyq  damý, Ulttyq  ekonomıka mınıstrlikteri-niń quqyqtary men mindettemeleriniń mırasqory bolyp belgilensin.

4. «Qazaqstan Respýblıkasy Úkimetiniń qurylymy týraly» Qazaqstan Respýblıkasy Prezıdentiniń 1999 jylǵy 22 qańtardaǵy № 6 Jarlyǵyna   (Qazaqstan Respýblıkasynyń PÚAJ-y, 2019 j., № 22, 205-qujat) mynadaı tolyqtyrý engizilsin:

1-tarmaq mynadaı mazmundaǵy jolmen tolyqtyrylsyn:

«Qazaqstan Respýblıkasynyń Tótenshe jaǵdaılar mınıstrligi».

5. Osy Jarlyqtyń oryndalýyn baqylaý Qazaqstan Respýblıkasy Prezıdentiniń Ákimshiligine júktelsin.

6. Osy Jarlyq qol qoıylǵan kúninen bastap qoldanysqa engiziledi.

Pikirler