Memleket basşysy Tötenşe jaǧdailar ministrlıgın qūru turaly jarlyq şyǧardy

Qazaqstan Respublikasynyŋ Prezidentı Tötenşe jaǧdailar ministrlıgın qūru turaly jarlyq şyǧardy. Būl turaly "Adyrna" tılşısı Aqordaǧa sılteme jasap habarlaidy.   Qazaqstan Respublikasynyŋ Tötenşe jaǧdailar ministrlıgın qūru turaly jarlyq Qazaqstan Respublikasy Konstitusiiasynyŋ 44-babynyŋ 3) tarmaqşasyna säikes memlekettık basqaru jüiesın jaŋǧyrtu jäne tiımdılıgın arttyru maqsatynda QAULY ETEMIN: 1. Qazaqstan Respublikasynyŋ Tötenşe jaǧdailar ministrlıgı, oǧan: Qazaqstan Respublikasy Işkı ıster ministrlıgınıŋ tabiǧi jäne tehnogendık sipattaǧy tötenşe jaǧdailardyŋ aldyn alu jäne olardy joiu, Azamattyq qorǧanys, ört qauıpsızdıgı, tötenşe jaǧdailardyŋ aldyn alu men olardy joiudyŋ memlekettık jüiesınıŋ jūmys ısteuın jäne odan ärı damuyn qamtamasyz etu, örtterdıŋ aldyn aludy jäne söndırudı ūiymdastyru salasyndaǧy qyzmetı; Qazaqstan Respublikasy İndustriia jäne infraqūrylymdyq damu ministrlıgınıŋ önerkäsıptık qauıpsızdık salasyndaǧy memlekettık saiasatty qalyptastyru jäne ıske asyru; Qazaqstan Respublikasy Ūlttyq ekonomika ministrlıgınıŋ memlekettık materialdyq rezervtı qalyptastyru jäne damytu boiynşa funksiialary men ökılettıkterı berıle otyryp, qūrylsyn.

2. Qazaqstan Respublikasynyŋ Ükımetı:

1) Qazaqstan Respublikasy Prezidentınıŋ Äkımşılıgımen kelısu boiynşa qaita ūiymdastyrylatyn memlekettık organdar men jaŋadan qūrylǧan Qazaqstan Respublikasynyŋ Tötenşe jaǧdailar ministrlıgı, sondai-aq olarǧa vedomstvolyq baǧynysty ūiymdardyŋ arasynda ştat sanyn qaita böludı; 2) osy Jarlyqty ıske asyru boiynşa özge de şaralar qabyldaudy qamtamasyz etsın. 3. Qazaqstan Respublikasynyŋ Tötenşe jaǧdailar ministrlıgı berıletın funksiialar men ökılettıkter şegınde Qazaqstan Respublikasynyŋ Işkı ıster, İndustriia jäne  infraqūrylymdyq  damu, Ūlttyq  ekonomika ministrlıkterı-nıŋ qūqyqtary men mındettemelerınıŋ mirasqory bolyp belgılensın. 4. «Qazaqstan Respublikasy Ükımetınıŋ qūrylymy turaly» Qazaqstan Respublikasy Prezidentınıŋ 1999 jylǧy 22 qaŋtardaǧy № 6 Jarlyǧyna   (Qazaqstan Respublikasynyŋ PÜAJ-y, 2019 j., № 22, 205-qūjat) mynadai tolyqtyru engızılsın: 1-tarmaq mynadai mazmūndaǧy jolmen tolyqtyrylsyn: «Qazaqstan Respublikasynyŋ Tötenşe jaǧdailar ministrlıgı». 5. Osy Jarlyqtyŋ oryndaluyn baqylau Qazaqstan Respublikasy Prezidentınıŋ Äkımşılıgıne jüktelsın. 6. Osy Jarlyq qol qoiylǧan künınen bastap qoldanysqa engızıledı.