Elordanyŋ halyq köp şoǧyrlanatyn oryndarynda ūrlyq jasaumen ainalysyp jürgen 57 jastaǧy äiel ūstaldy,-dep habarlaidy Adyrna.kz Nūr-Sūltan qalalyq Polisiia departamentınıŋ baspasöz qyzmetıne sılteme jasap.
Baspasöz qyzmetınıŋ mälımetterıne qaraǧanda, Şyǧys Qazaqstan oblysynyŋ 57 jastaǧy tumasy türlı baptar boiynşa būryn 10 ret ıstı bolǧan. Sondai-aq, jeke mülık ūrlyǧy üşın 5 ret qylmystyq jauapqa tartylǧan. Soǧan qaramastan ol qylmys jasauyn toqtatpaǧan. Ol «käsıbın» negızınen bazar, sauda üilerı jäne ırı sauda-oiyn-sauyq ortalyqtary siiaqty jerlerde jüzege asyryp kelgen. «Bırde ortalyq bazardaǧy butikke kırıp, bır äieldıŋ ūialy telefony men 205 myŋ teŋgesı bar sömkesın ūrlap ketken. Osyǧan ūqsas ūrlyqtardy «Şanhai» bazary men «Däulet» sauda üiınıŋ aumaǧynda da jasaǧan. Mūnda da sörede jatqan sömkelerdı ūrlap ketken, onyŋ bıreuınde 150 myŋ teŋge bolǧan. Taǧy bır sömkede 250 myŋ teŋge, sondai-aq bank kartalary, qūjattar men därı-därmekter (şyǧyn 500 myŋ teŋge) bolǧan. «Jedel-ızdestıru ıs-şaralary barysynda anyqtalyp, ūstalǧan küdıktı polisiiaǧa jetkızılıp, osy ūrlyqtardy jasaǧanyn moiyndady. Atalǧan faktıler boiynşa QR QK 188-baby («Ūrlyq») boiynşa sotqa deiıngı tergeu amaldary jürgızılude. Ūstalǧan azamat qamauda otyr. Tergeu jürgızılıp, onyŋ elorda aumaǧynda būryn jasalǧan ūqsas qylmystarǧa qatystylyǧy anyqtaluda. Osy adamnyŋ zaŋǧa qaişy äreketterınen zardap şekkender bolsa, Beibıtşılık, 19 mekenjaiy boiynşa Nūr-Sūltan qalasynyŋ Polisiia departamentıne habarlasyp, nemese 8 (7172) 71-61-51; 71-60-69, 87025009729 jäne «102» nömırıne qoŋyrau şala alady»,-delıngen polisiia habarlamasynda.
"Adyrna" ūlttyq portaly
Ūqsas jaŋalyqtar
