Medisinalyq saqtandyru – halyqtyŋ densaulyǧyn qorǧau jüiesı. Elımızde medisinalyq saqtandyrudyŋ ekı türı bar:
- erıktı medisinalyq saqtandyru;
- mındettı medisinalyq saqtandyru.
Erıktı saqtandyru, atauy aityp tūrǧandai, adamnyŋ qalauy boiynşa ǧana jüzege asyrylady. Al, mındettı medisinalyq saqtandyru medisinalyq järdemnıŋ sapasyn baqylauǧa mümkındık beredı. Onyŋ maqsaty – mındettı medisinalyq saqtandyrudyŋ bazalyq baǧdarlamasymen jäne medisinalyq järdemnıŋ qoldanystaǧy standarttarymen kepıldendırılgen kölem men sapada medisinalyq järdemmen azamattardy qamtamasyz etu.
Aita ketetın bolsaq, mındettı medisinalyq saqtandyru damyǧan elderdıŋ köpşılıgınde bar jäne azamattardyŋ densaulyǧyn qorǧauǧa arnalǧan. Mäselen, AQŞ-ta bır adamǧa jylyna 14 myŋ dollar jūmsalady.
MÄMS paketterı
- «Bazalyq paket» - memleket tarapynan kepıldendırılgen tegın medisinalyq kömek. Onyŋ qarajaty respublikalyq biudjetten qarastyrylady jäne kez-kelgen azamatqa ūsynylady. Būl paketke jedel medisinalyq kömek, sanitarlyq aviasiia, äleumettık sipattaǧy auru türlerın emdeu, şūǧyl jaǧdaidaǧy medisinalyq kömek, profilaktikalyq ekpeler kıredı.
- «Saqtandyru paketı» medisinalyq saqtandyru qorynan qarjylandyrylady.
Oǧan ambulatorlyq-emhanalyq emdeu, stasionarlyq emdeu, stasionardy almastyruşy kömek, qalpyna keltıru emı, medisinalyq oŋaltu, palliativtı kömek, meiırbikelık kütım, joǧary tehnologiialyq kömek türlerı kıredı.
MÄMS jüiesınıŋ artyqşylyqtary qandai?
- Qyzmetter paketınıŋ somasy şektelmegen jäne tölengen jarna mölşerıne qaramaidy;
- Saqtandyru paketı şeŋberınde joǧary tehnologiialy operasiialar jasauǧa bolady;
- Paket aurudyŋ aldyn aluǧa baqyttalǧan;
- MÄMS jüiesı erkın taŋdau jasauǧa mümkındık beredı.
Medisinalyq saqtandyru jüiesıne jūmys beruşıler audaratyn tölemderdıŋ kölemı qandai boluy tiıs?
2020 jylǧy 1qaŋtardan bastap – är jūmyskerdıŋ tabysynyŋ (eŋbekke aqy töleu qorynyŋ qarajatynan) 2%;
2022 jylǧy 1 qaŋtardan bastap – är jūmyskerdıŋ tabysynyŋ (eŋbekke aqy töleu qorynyŋ qarajatynan) 3%-yn töleidı.
Azamattar jarnalar men tölemder, körsetıletın medisinalyq qyzmetter jaily aqparatty Halyqqa qyzmet körsetu ortalyqtarynan nemese www.egov.kz. saitynan köre alady. Sondai-aq, qordyŋ bıryŋǧai bailys ortalyǧyna 1406 nömerı arqyly habarlasuǧa bolady.
«Adyrna» ūlttyq portaly
Basqalarmen bölıse
otyryŋyz
