"Nūr Otan" partiiasynyŋ Töraǧasy Nūrsūltan Nazarbaev Bauyrjan Baibektı qabyldady, dep habarlaidy "Adyrna" tılşısı. Qabyldau kezınde juyrda ötken praimerizdıŋ nätijelerı talqylandy.
Partiia Töraǧasy bırınşı orynbasarynyŋ aqparatyna säikes, partiia müşelerınıŋ 84,2 paiyzy dauys beruge qatysty. Onyŋ 88 paiyzy onlain rejimınde dauys berdı. Tırkelgen 10073 kandidattyŋ 36 paiyzdan astamy äielder, al 29 paiyzy 35 jasqa deiıngı jastar. Işkı partiialyq ırıkteu nätijesınde 20 myŋnan astam ūsynys jinaldy. Onyŋ ışınde tūrǧyn üi qatynastary men tūrǧyn üi-kommunaldyq şaruaşylyǧy, infraqūrylym men kölık, bılım beru men densaulyq saqtau salalaryna qatysty ūsynystar bar.
Nūrsūltan Nazarbaev praimeriz sabaqtastyqty saqtai otyryp, partiia qataryn jaŋartuǧa mümkındık bergen naǧyz äleumettık liftke ainalǧanyn atap öttı.
– Būl bıraz adam qatysqan partiianyŋ auqymdy ıs-şarasyna ainaldy. Bız ony alǧaş ret ötkızıp otyrmyz. Partiia nazar audaruǧa tiıs köptegen ūsynys pen mäsele köterıldı. «Nur Otan» – naqty ıster partiiasy. Bız qabyldaǧan baǧdarlamalar mındettı türde oryndaluy kerek, – dedı Elbasy.
Sonymen qatar Qazaqstannyŋ Tūŋǧyş Prezidentı partiianyŋ sailaualdy baǧdarlamasynyŋ jobasyna jeke toqtaldy.
– Saiasi keŋestıŋ Biurosynda respublikalyq sailaualdy baǧdarlamanyŋ jobasyn talqylaǧan edık. Qazırgı kürdelı ahual eskerıle otyryp, baǧdarlamada bızdıŋ maqsattar ben auqymdy mındetter bekıtıldı. Būl jūmysqa partiianyŋ barlyq müşelerı jūmyldyrylady. Sebebı, mūnyŋ bärı halyqtyŋ äl-auqatyn jaqsartuǧa baǧyttalyp otyr. Bızdıŋ sailau aldyndaǧy uädelerımızdıŋ bärın oryndau üşın jan-jaqty qamdanu kerek, – dedı partiia Töraǧasy.
Kezdesu barysynda Elbasy partiiaǧa «Birgemiz» qorymen bırlesıp, bükıl el boiynşa taǧy 100 myŋ äleumettık az qamtylǧan otbasyǧa 50 myŋ teŋge kölemınde qosymşa tölemder ūiymdastyrudy tapsyrdy.
– Partiianyŋ ortalyq apparaty men bızdıŋ aktiv auqymdy jūmys ıstedı. Men olarǧa qajyrly eŋbegı üşın alǧysymdy bıldıremın. Alda älı atqaratyn şarua köp. El igılıgıne baǧyttalǧan jūmysty jalǧastyruymyz kerek, – dedı Qazaqstannyŋ Tūŋǧyş Prezidentı.
"Adyrna" ūlttyq portaly
