Túrkııalyq Hýseın Zerrakı Sheıitter men sherıfter mádenı assoıaııasynyń prezıdenti on myńdaı sheıittiń jalǵan atpen júrgenin aıtyp, olardan saq bolýǵa shaqyrdy dep jazady «Adyrna» ulttyq portaly túriktiń Sözçü gazetine silteme jasap. Túrkııada sońǵy ýaqytta 3-5 myń dollarǵa «Sheıit» ekenin dáleldeıtin qujat jasatýshylar kóbeıgen.
Bul qujatty jasaýdaǵy maqsat Muhammed paıǵambardyń urpaǵy ekenin dáleldeý eken. Hýsseın Zerrakı «Paıǵambardyń tuqymynanmyn, paıǵambardyń urpaǵymyn» deıtin jalǵan qujat jasaýshylardyń sańyraýqulaqtaı qaptap bara jatqanyna alańdaýly. Muhammed paıǵambardyń urpaǵy degen tıtýldy alý asa qıyn emes kórinedi. Bar bolǵany bes myńdaı AQSh dollaryńyz bolsa, jetkilikti. Jalǵan qujatty jasaýshylar qalaýyńyzdaǵydaı etip, «Sheıit.Muhammed paıǵambardyń urpaǵy» degen móri basylǵan qujatty qolyńyzǵa ustatady. Al osyndaı qujattyń anaǵurlym quzyry baryn Mysyr jaqta 50 myń AQSh dollaryna jasatyp jatyr eken talaı jurt. Álgi qujatta shejireńizdi shıyrlata otyryp, túbin aparyp Muhammed paıǵambarǵa tirep kórsetedi. Iaǵnı, ondaı qujaty bar adam basqalarǵa qaraǵanda, «shynaıy musylman, shynaıy Islam dininiń ókili» sanalady mys.
Mine, osyǵan baılanysty Hýsseın Zerrakı «jalǵan sheıitterden» saq bolýǵa, olardyń qoldaryndaǵy jasandy qujatqa senbeýge shaqyrady. Shynaıy sheıitterdiń qujattary Stambýldaǵy meshitterdiń arnaıy muraǵatynda saqtaýly ekenin aıtqan Zerrakı jurtty aldamaýǵa shaqyrýda.
Kez kelgen Islam dininiń ókili eń áýeli Allanyń quly, Muhammed paıǵambardyń úmbeti ekenin rastaıdy jáne osyny maqtan tutady. Paıǵambardyń júrip ótken jolyn óz ómirinde ustanýdy berik maqsaty etetin musylmandar úshin árıne, «Muhammed paıǵambardyń urpaǵymyn» deý tipti, zor maqtanysh qoı. Túrkııadaǵy osy bir aqparatqa baılanysty Qazaqstandaǵy birer azamatty sózge tartyp kórdik. «Muhammed paıǵambardyń urpaǵymyn» degen qujatqa baılanysty bizben tildesken kisilerdiń keıbiri beıhabar bolyp shyqty. Desek te, sondaı qujatqa ıe bolǵysy keletinder de joq emes eken.
«Árıne, meniń de qanymdy tekserip, quramynan Muhammed (ǵ.s) paıǵambarymyzdyń urpaǵy ekenime dálel bir túıir qan tabylsa, qýanyshtan júregim jarylar edi. Ózimniń shynaıy musylman ekenime qazirgiden de artyq maqtana túser edim. Paıǵambardyń urpaǵy bolýy eń joǵarǵy mártebe men úshin», -deıdi sońǵy bes jylyn din jolyna burǵan Zúbaıra AQYLJAN. Zúbaıranyń joldasy Ábýbákir de álgindeı qujat týraly estigende, kádimgideı eleńdep qaldy. «Shirkin, bizge de sondaı qujatqa qol jetkizýdi Allam násip etse eken. Úıimdi satsam da, alar edim. Qazaqstanda Islam dinin ustanýshylarǵa kir jaǵyp, joldaryn kesetinder kóbeıdi. Menińshe, árbir musylmannyń qaltasynda álgindeı qujaty bolýǵa tıis. Jáne sondaı qujaty bar musylmanǵa basqalar qarsy shyqpaýy kerek. Eń bolmasa, ulyq Paıǵambarymyzdyń urpaǵyna qurmet úshin», -deıdi Ábýbákir.
Al dál osy máselege baılanysty bizge pikirin bildirgen Saparqul ÁÝELBEKOV: «Másele áldebir qujatta emes. Shyn musylman bir japyraq qujatpen ólshenbeıdi. Júrekpen, júrektiń tazalyǵymen ólshenedi. Bolmaıtyn bir qujat úshin pálen myń dollar jaratqansha, sol aqsha qaltańa syımaı bara jatsa, saýap úshin jumsa der edim. Al álgindeı Paıǵambardyń urpaǵy bolýǵa aqsha berip umtylýdy baryp turǵan nadandyq, dańǵoılyq dep sanaımyn», -deıdi.
Qalaı desek te, Muhammed paıǵambardyń urpaǵysyń degen qujattyń baryn, ol qujatty belgili bir somaǵa jasatyp ta alýǵa bolatynyn bildik. Al paıǵambardyń urpaǵy bolýdy tańdaýdy ár musylmannyń ıman tarazysyna salǵanymyz jón bolar, kim bilsin.
Raýana DIMAShQYZY,
«Adyrna» ulttyq portaly.
Foto ashyq derekkózden alyndy.
