QR Aqparat jäne qoǧamdyq damu ministrı Aida Balaeva qoǧamdyq sanany jaŋǧyrtu boiynşa Ūlttyq komissiia otyrysynda ana tılınıŋ ahualyna qatysty jūmysty älemge tanymal telearnalar men kıtap betterındegı bala kontentınen bastau kerek degen ūsynys baryn aitty, dep habarlaidy "Adyrna" ūlttyq portaly BAQ.KZ-ke sılteme jasap.
«Ruhani qūndylyqtar qatarynda ana tılımızdıŋ ahualy aldyŋǧy qatarda tūratyny belgılı». Būl Memleket basşysynyŋ halyqqa Joldauynda aitqan «Qazaq tılınıŋ memlekettık tıl retındegı rölı küşeiıp, ūltaralyq qatynas tılıne ainalatyn kezeŋı alys emes» degen qaǧidasymen tıkelei ündes. Al kez kelgen tıldıŋ erteŋı – balanyŋ tılınde. Sondyqtan da, būl jūmysty älemge tanymal telearnalar men kıtap betterındegı bala kontentınen bastau kerek degen ūsynys bar. Naqty aitsaq, «Nickelodeon», «Disney», «TiJi» telearnalarynyŋ multiplikasiialyq filmderın qazaq tılıne audaru boiynşa joba daiyndalyp, Ükımet qarauyna ūsynylǧan bolatyn. Qazırgı taŋda bırjaqty şeşım kütıp otyrmyz, - dedı ol.Būdan bölek, ol ministrlıktıŋ bastamasymen Y.Altynsarin atyndaǧy Ūlttyq bılım akademiiasynyŋ qatysuymen balalar ädebietınıŋ 20 älemdık bestsellerlerınıŋ tızımı jasalyp, ışkı qarjylyq mümkındıkterdı qarastyra otyryp, audarmanyŋ audio elektrondyq nūsqasyn jasau turaly şeşım qabyldanǧanyn jetkızdı.
Būl jūmystardyŋ barlyǧy – el ışınde, äsırese, balalar men jastar arasynda ruhani-adamgerşılık tärbie jüiesın jüzege asyrudyŋ bırtūtas jol kartasyn qalyptastyryp, bırneşe müddelı memlekettık organdardyŋ atsalysuymen ıske asyrudy közdeidı. Öz kezegıde Aqparat jäne qoǧamdyq damu ministrlıgı būl jūmystyŋ negızgı üilestıruşısı qyzmetın öz moinyna aluǧa daiar, - dedı ol.
