Şymkent qalalyq Jūmyspen qamtu jäne äleumettık qorǧau basqarmasynyŋ basşysy Qasymbek Sailauov «Eŋbek» memlekettık baǧdarlamasy, jūmyspen qamtu jol kartasy jäne atauly äleumettık kömek boiynşa atqarylǧan jūmystar jönınde baspasöz brifingınde osylai mälımdedı.
Qasymbek Pernebekūlynyŋ aituynşa, biyl «Eŋbek» memlekettık baǧdarlamasy negızınde 25 531 adamdy jūmyspen qamtu ıs-şaralaryna qatystyru josparlanǧan bolatyn. 2020 jyldyŋ 1 qazanyndaǧy jaǧdai boiynşa 24 366 adam jūmyspen qamtu ıs-şaralaryna qatysqan.
«Eŋbek» memlekettık baǧdarlamasy boiynşa 3 196 adam tegın käsıbi bılım alyp, 2 820 adam «Bastau Biznes» jobasy negızınde käsıpkerlık negızderge oqytyldy.
Jyl basynan berı jalpy tūraqty jūmysqa ornalasqan – 6 936 adam. 1 606 adam jaŋa jūmys oryndaryna, 338 adam äleumettık jūmys oryndaryna ornalassa, 2 637 adam jastar praktikasy, 4 837 adam aqyly qoǧamdyq jūmysqa joldanǧan.
Biyl 3 931 adam memlekettık grantqa ie bolǧan. Būl ötken jylmen salystyrǧanda edäuır köp.
– Memlekettık grant alu boiynşa jyldyq jospar 80 paiyzǧa oryndalyp otyr. Byltyr 3478 adamǧa grant berılgen bolatyn. Biyl būl körsetkış 30 paiyzǧa ösıp otyr. Būl jyly Şymkent qalasyna 1500 grant bölıngen edı. Keiınnen qala äkımınıŋ tıkelei qoldauymen jäne sūranystyŋ artuyna bailanysty jalpy 5000-ǧa juyq grant beru josparlandy. Grant berudegı bırden-bır maqsat – az qamtylǧan otbasylardy jappai käsıpkerlıkke baulu jäne olardyŋ tabystaryn arttyru, – dedı basqarma basşysy.
Sondai-aq, «Jūmyspen qamtu Jol kartasy» baǧdarlamasy boiynşa 237 joba naqtylanyp, bügıngı künge 8 640 jūmys orny aşyldy. Onyŋ ışınde jūmyspen qamtu ortalyǧy arqyly 4 405 adam jūmysqa ornalasqan.
Şymkent qalasy äkımınıŋ baspasöz qyzmetı
