Ázerbaıjan sarbazynyń sońǵy sózi (VIDEO)

4070
Adyrna.kz Telegram

Armenııanyń arandatý soǵysynyń 27 qyrkúıekten 5 qarashaǵa deıingi shabýylynan Ázerbaıjannyń  92 beıbit turǵyn qaza taýyp, 404 adamy jaralandy. Al maıdanda qansha Ázerbaıjan jaýyngeriniń qaza tapqany ázirge jarııalanǵan joq. Alaıda olardyń árqaısysy azattyq úshin, óz jerin basqynshylardan bosatý úshin shaıqasyp jatyr.

Ázerbaıjan azamattary sońǵy 30 jylda óz úılerine oralyp, ata-babalary jerlengen jerde duǵa oqýdy oılady. Biraq bul kópshilik úshin qazirdiń ózinde arman bolyp otyr. Sebebi úıler men zırattardy armıan basqynshylary qıratyp tastaǵan.

Búginde jas jaýyngerler uıatty qanmen jýyp, 30 jyl buryn óz jerinen ketýge májbúr bolǵandardyń abyroıy úshin shaıqasqa barady. Solardyń biri sheshýshi shaıqas aldynda otbasymen qoshtasqan 28 jastaǵy Shahın degen azamat.

«Jaqynda sheshýshi shaıqas bolady. Eger men elge aman-esen oralsam, qazir aıtqandarymdy tyńdaýdyń qajeti joq.

Men bárinen, ásirese áıelim Kamaladan, maǵan birdeńe bola qalsa, jylamaýdy suraımyn. Men úshin jylama!

Kamala, eger bizdiń ulymyz bolsa, onyń atyn meniń qurmetime Shahın dep qoı. Balalarǵa ákesiniń olardy qatty jaqsy kóretinin aıt. Sondaı-aq balalardy qatty jaqsy kórgendikten, olar úshin janyn berýge ázir ekenin eskert.

Bálkim munyń bárin jasaýdyń qajeti joq shyǵar dep úmittenemin. Óıtkeni men óz mindetimdi oryndap, úıge oralamyn. Eger elge aman-esen oralmasam, onda men ózimniń dúnıege keletin ulym men aǵa-ápkelerimniń balalary úshin óz ómirimdi qıdy dep oılańyzdar. Balalar jarqyn ómir súrip, bastaryn tik ustap júrýi kerek.

Mine sol úshin men osy sheshýshi shaıqasqa bara jatyrmyn.

...Biz qazirdiń ózinde shabýylǵa daıynbyz. Endi biz telefondardy tapsyramyz...

Anashym, áke, men sizderdi qatty jaqsy kóremin! Men árdaıym sizderdiń men úshin maqtanaǵandaryńyzdy armandaıtynmyn!

Men búkil otbasymnan, barlyq týystarymnan, jaqyndarymnan «árqashan basyńdy joǵary usta, eshqashan eńkeıme» dep suraımyn. Men bul úshin ólýge daıynmyn.

Sizderdiń bergen tárbıe maǵan qashýǵa nemese jasyrynýǵa jol bermeıdi.

Shahınniń shyndyq pen ádildik úshin shaıqasqa bara jatqanyn bilgenderińizdi qalaımyn. Men jerimizdi azat etemin! Súıdim sizderdi.

Ata-anam men otbasym meni qalaı jaqsy kórse, meniń áıelim men balalarymdy da solaı jaqsy kórgenin qalaımyn. Shahın árdaıym sizderdiń esińizde qalady. Sizder maǵan qalaı tirek boldyńyzdar, dál solaı meniń áıelim men balalaryma tirek bolyńyzdar, sonda balalarym ákesiz ósýdiń ne ekenin bilmeıtin bolady. Muny sizderden ótinip suraımyn.

Súıdim.

Qudireti sheksiz Jaratýshy senderdi qorǵasyn!

Men senderdi óte qatty jaqsy kóremin.

Men kettim…»

Orys tilinen aýdaryp,

daıyndaǵan Serik JOLDASBAI.

«Adyrna» ulttyq portaly.

 

 

Pikirler