Armeniianyŋ arandatu soǧysynyŋ 27 qyrküiekten 5 qaraşaǧa deiıngı şabuylynan Äzerbaijannyŋ 92 beibıt tūrǧyn qaza tauyp, 404 adamy jaralandy. Al maidanda qanşa Äzerbaijan jauyngerınıŋ qaza tapqany äzırge jariialanǧan joq. Alaida olardyŋ ärqaisysy azattyq üşın, öz jerın basqynşylardan bosatu üşın şaiqasyp jatyr.
Äzerbaijan azamattary soŋǧy 30 jylda öz üilerıne oralyp, ata-babalary jerlengen jerde dūǧa oqudy oilady. Bıraq būl köpşılık üşın qazırdıŋ özınde arman bolyp otyr. Sebebı üiler men zirattardy armian basqynşylary qiratyp tastaǧan.
Bügınde jas jauyngerler ūiatty qanmen juyp, 30 jyl būryn öz jerınen ketuge mäjbür bolǧandardyŋ abyroiy üşın şaiqasqa barady. Solardyŋ bırı şeşuşı şaiqas aldynda otbasymen qoştasqan 28 jastaǧy Şahin degen azamat.
«Jaqynda şeşuşı şaiqas bolady. Eger men elge aman-esen oralsam, qazır aitqandarymdy tyŋdaudyŋ qajetı joq.
Men bärınen, äsırese äielım Kamaladan, maǧan bırdeŋe bola qalsa, jylamaudy sūraimyn. Men üşın jylama!
Kamala, eger bızdıŋ ūlymyz bolsa, onyŋ atyn menıŋ qūrmetıme Şahin dep qoi. Balalarǧa äkesınıŋ olardy qatty jaqsy köretının ait. Sondai-aq balalardy qatty jaqsy körgendıkten, olar üşın janyn beruge äzır ekenın eskert.
Bälkım mūnyŋ bärın jasaudyŋ qajetı joq şyǧar dep ümıttenemın. Öitkenı men öz mındetımdı oryndap, üige oralamyn. Eger elge aman-esen oralmasam, onda men özımnıŋ düniege keletın ūlym men aǧa-äpkelerımnıŋ balalary üşın öz ömırımdı qidy dep oilaŋyzdar. Balalar jarqyn ömır sürıp, bastaryn tık ūstap jüruı kerek.
Mıne sol üşın men osy şeşuşı şaiqasqa bara jatyrmyn.
...Bız qazırdıŋ özınde şabuylǧa daiynbyz. Endı bız telefondardy tapsyramyz...
Anaşym, äke, men sızderdı qatty jaqsy köremın! Men ärdaiym sızderdıŋ men üşın maqtanaǧandaryŋyzdy armandaitynmyn!
Men bükıl otbasymnan, barlyq tuystarymnan, jaqyndarymnan «ärqaşan basyŋdy joǧary ūsta, eşqaşan eŋkeime» dep sūraimyn. Men būl üşın öluge daiynmyn.
Sızderdıŋ bergen tärbie maǧan qaşuǧa nemese jasyrynuǧa jol bermeidı.
Şahinnıŋ şyndyq pen ädıldık üşın şaiqasqa bara jatqanyn bılgenderıŋızdı qalaimyn. Men jerımızdı azat etemın! Süidım sızderdı.
Ata-anam men otbasym menı qalai jaqsy körse, menıŋ äielım men balalarymdy da solai jaqsy körgenın qalaimyn. Şahin ärdaiym sızderdıŋ esıŋızde qalady. Sızder maǧan qalai tırek boldyŋyzdar, däl solai menıŋ äielım men balalaryma tırek bolyŋyzdar, sonda balalarym äkesız ösudıŋ ne ekenın bılmeitın bolady. Mūny sızderden ötınıp sūraimyn.
Süidım.
Qūdıretı şeksız Jaratuşy senderdı qorǧasyn!
Men senderdı öte qatty jaqsy köremın.
Men kettım…»
Orys tılınen audaryp,
daiyndaǧan Serık JOLDASBAI.
«Adyrna» ūlttyq portaly.
https://youtu.be/A7zWJ9B1pF0
