«Abylaı han» Kásipqoı sport klýbynda 15-16 qazan kúnderi Qazaqstan Respýblıkasyna eńbek sińirgen jattyqtyrýshylarynyń qurmetine kıkboksıngten myqtylar arasyndaǵy eske alý arnalǵan týrnır bolyp ótti.
Qazaqstan Respýblıkasynda kıkboksıngtiń damýyna erekshe úles qosqan jattyqtyrýshylar QR sport sheberi, eńbek sińirgen jattyqtyrýshy Azat Nádirbekov, bokstan SSSR sport sheberi, kıkboksıngtan halyqaralyq dárejedegi sport sheberi, QR eńbek sińirgen jattyqtyrýshy Asylkan Basýrmanov, QR sport sheberi, halyqaralyq dárejedegi qazy, QR eńbek sińirgen jattyqtyrýshy Eltaı Baltabekov, QR sport sheberi, eńbek sińirgen jattyqtyrýshy Petr Mýrzov, QR sport sheberi, halyqaralyq dárejedegi qazy Iakov Kalının, Álem chempıony, QR eńbek sińirgen sport sheberi, eńbek sińirgen jattyqtyrýshy Asqar Kohanovtardyń rýhyn eske alyp, týrnırge qatysýshy sportshylar men kórermender, uıymdastyrýshylar bir sát únsizdikpen qurmet kórsetip, baıraqty báseke bastalyp ketti.
Jarystyń ashylý saltanatyna QR Kıkboksıng Federaııasynyń prezıdenti Esentaev Tastanbek Qutjanuly, QR kıkboksıng sport túriniń negizin salýshy dańqty sportshylar Sabyrjan Mahmetov, Sansyzbaı Ybyraev, Seken Muhametjanov, «Abylaı han» kásipqoı sport klýbynyń basshysy Jomart Sádýaqasovtar qatysyp, sportshylarǵa sáttilik tiledi.
Eki kúnge sozylǵan dúbirli dodada kıkboksıngtiń fýll kontakt jáne K-1 túrlerinen jeńimpazdardy anyqtady. Elimizdiń ár aımaqtarynan 80 sportshy qatysqan jarys tartysty ótti. Sportshylardyń sheberlikteri synǵa túsken sátte eshkimde aıanyp qalmady.
Esentaev Tastanbek Qutjanuly, QR Kıkboksıng federaııasynyń prezıdenti: - «Myqtylar arasyndaǵy týrnır bıyl tórtynshi jyl ótkizilip otyr. Bul týrnırǵa tek elimizdiń eń tańdaýly sportshylary qatysady. Elimiz kıkboksıng sport túrinen álemdegi mańdaıaldy elderdiń qataryna kiredi. Alashtyń atyn álemge tanytyp júrgen kıkboksshylar az emes. Bizdiń basty maqsatymyz jastardy salaýatty ómirge tárbıelep, densaýlyqtaryn ǵana shyńdap qoımaı, rýhy bıik, otansúıgish, bilimdi, bilikti azamattardy qalyptastyrý. Osy jastar keleshekte sport salasynda ǵana emes, basqa da salalarda qyzmet jasap, elimizdiń órkendeýine zor úles qosatyndyqtaryna senemin».
Jarys QR Mádenıet jáne sport mınıstrligi, sport jáne dene shynyqtyrý komıtetiniń, Almaty qalasy Túriksip aýdany ákimdigi, QR Kıkboksıng federaııasynyń, «Abylaı han» kásipqoı sport klýbynyń qoldaýymen ótkizilip otyr.
Jarys qortyndysy boıynsha fýll kontakt túrinen 51 kg salmaq dárejesinde Sálimgereı J (Atyraý), 54 kg – Shaǵban E (Astana), 57 kg – Qanapııanov A (ShQO), 60 kg – Dıýsýpov A (Atyraý), 67 kg – Ýsıp M (Taraz), 71 kg – Baýyrjanuly B (ShQO), 75 kg – Toqtarov M (Qostanaı), 81 kg – Qanaev Ǵ (OQO) 86 kg – Jaqsenbı B (Almaty), 91 kg – Jantursynov A (Taraz) jeńimbaz bolsa, K-1 túrinen 54 kg – Ivanshenko M (ShQO), 57 kg – Nazarbekov J (Atyraý), 60 kg – Fazylhan B (Astana), 63,5 kg – Orynbaı A (Taraz), 67 kg – Nurǵalıev Q (ShQO), 71 kg – Shyntemrov B (Qaraǵandy), 75 kg – Júnisov A (Qyzylorda), 86 kg – Iskakov Sh (Aqtaý), +91 kg – Bekenov E (Astana) jeńimpaz atandy.
Jeńis tuǵyryna kóterilgender baǵaly sılyqtarmen qosa yrymdap qazaqtyń qaıystan órilgen taspa qamshysy men tastaǵy ejelgi tańbalar sýrettelgen kádesılar tabystaldy. Bul sportshylardyń elimizdiń tarıhyn bilip, osy eldiń egesi men shegesi bolyńdar degen tilegi. Eldiń qorǵany aptal azamattardyń jeńisti joly jalǵasa bersin.
Ardaq BERKIMBAI
