Bolar bala jasynan. Dulat Tantaev - elımızdegı eŋ jas aspazdardyŋ bırı. Nebärı on bır jastaǧy jetkınşek bala kezınen aspazdyq önerdı meŋgerıp, bügınde öz näpaqasyn tauyp jür. «Adyrna» ūlttyq portaly önerlı örenmen bolǧan sūhbatty nazarlaryŋyzǧa ūsynady.
Aspazdyq - süiıktı ısım
– Osydan ekı-üş jyl būryn ǧalamtordan tanymal aspazdardyŋ videolaryn köre bastadym. Uaqyt öte kele tamaq pısıruge degen qyzyǧuşylyǧym arta tüstı. Eŋ alǧaş tättı keks äzırlegen bolatynmyn. Ony daiyndau barysynda aitarlyqtai qiyndyqtar bolmady. Osylaişa basqa da taǧam türlerın jasap üirendım. Qazırgı taŋda aspazdyq menıŋ süiıktı ısıme ainaldy.Kez kelgen tamaqty jasai alamyn
– Qanşa türlı tamaq äzırlei alatynymdy naqty bılmeimın. Dese de, taǧamnyŋ reseptısın bılsem, kez kelgen türın jasai alamyn. Olardyŋ ışınen ūnaǧanyn taŋdap, daiyndalu jolymen bölısemın.Instagram arqyly tapsyrys qabyldaimyn
–Instagram jelısınde jeke paraqşam bar. Ony negızınen türlı resepttermen bölısu üşın aşqan bolatynmyn. Bırınşı videomda Napoleon tortynyŋ jasalu jolyn tüsındırdım. Köpşılık özderınıŋ jaǧymdy pıkırler qaldyrdy. Keiın türlı ūsynystar tüskendıkten, tapsyrys qabyldai bastadym. «As iesımen tättı» demekşı, ärbır tapsyrysty ülken yjdaǧattylyqpen daiyndaimyn.Otbasym menı bırden qoldady
– Käsıptı bastauyma aǧam kömektestı. Otbasym men jaqyndaryma jasaǧan taǧamdarym qatty ūnaǧandyqtan, menıŋ qyzyǧuşylyǧymdy bırden qoldady. Bügınde tapsyrys qabyldaumen qatar, türlı tättıler men taǧamdardyŋ videoreseptılerın tüsıremın. 6-synypta oqityn jas talant sūhbat barysynda barlyǧyna ülgeretının jetkızdı. – Oqu ülgerımım jaqsy. Bos uaqytymda futbol oinap, sportpen şūǧyldanamyn. Sondai-aq, YouTube-ten ärtürlı reseptılerdı körıp, jaŋa taǧam türlerınıŋ mäzırımen tanysamyn.Armany asqaq Dulat
– Armansyz adam bolmaidy. Bolaşaqta myqty aspaz bolyp, Almaty qalasynda Parijdegıdei küştı meiramhana aşqym keledı.Süiıktı ısıŋızben ainalysyŋyz!
– Altyndai uaqytyŋyzdy bosqa ötkızbei, süiıktı ısıŋızben ainalysyŋyz. Eŋbektenıŋız. Sol kezde sız eŋ baqytty adam bolasyz.Äŋgımelesken Diana ASAN,
«Adyrna» ūlttyq portaly
