Elımızde mümkındıgı şekteulı bolǧanymen, taǧdyr tauqımetıne jasymaudyŋ jarqyn ülgısın körsetıp jürgender köp. Solardyŋ bırı — Gülnaz Qosmurzieva. 2006 jyly jol apatyna ūşyrap, jüru qabıletınen aiyrylǧan jan bolaşaqqa degen ümıtın üzbegen. Bügınde ol «Bız de adambyz!» qoǧamdyq qoryn aşyp, öŋırdegı kömekke mūqtaj jandarǧa qol ūşyn sozyp jür.
Gülnaz Maqsatqyzynyŋ bastamasymen qala därıhanalarynda, azyq-tülık dükenderınde, ülken oiyn-sauyq ortalyqtarynda talapqa sai pandustar qoiylyp, Atyrau äuejaiynda arbada otyrǧan jandarǧa arnalǧan lift ornatylǧan. «Adyrna» ūlttyq portaly qazaqtyŋ qaisar qyzymen bolǧan sūhbatty nazarlaryŋyzǧa ūsynady.
– Qoǧamdyq qor aşudy bırneşe jyldan berı oilastyryp jürgenmın. Būl oiymdy jaqyndarym men dostarym da qoldai kettı. Şyny kerek, elımızde mügedekterge qolaily jaǧdai jasalmaǧan. Mysaly, qarapaiym därıhana, meiramhana, auruhana sekıldı nysandardyŋ köpşılıgınde pandustar joq. Men ünemı «Bız de adambyz ǧoi, nege mümkındıgı şekteulı adamdarǧa jaǧdai jasamaisyzdar, älde olar tek üide otyrulary kerek pe?» dep öz renışımdı bıldırıp jüretınmın. Osyndai sözderımdı jiı estitın qūrbym bır künı «Bız de adambyz!» degen ataudy ūsyndy. Būl atau maǧan bırden ūnap, karantin kezınde qor aşuǧa bel budym. Osylaişa mamyr aiynda resmi tırkeuden öttık.
Qordyŋ qūrylǧanyna az ǧana uaqyt bolsa da, Gülnaz hanym bastaǧan top tötenşe jaǧdai kezınde bırşama mūqtaj janǧa kömektesıp ülgergen. Atap aitsaq, ūiym Atyrau oblysynyŋ erıktıler ştabymen bırlese 2005-ge juyq otbasyny azyq – tülıkpen qamtamasyz etıp, oblys kölemınde äleumettık jaǧynan osal top müşelerıne 22 myŋ dana maskany tegın taratqan.
Aiaǧy joq, qoly joq qanşama jan baqytty ǧūmyr keşude
— Menıŋ ülgı tūtatyn adamym – anam. Sondai-aq, ünemı pozitivte jüretın jandardan şabyt alamyn. Bügınde aiaǧy joq, qoly joq qanşama jan baqytty ǧūmyr keşude. Olardyŋ arasynda tabysty biznesmen, myqty sportşy bolǧandary da bar. Mäselen, älemge tanymal Nik Vuichich bügınde köptegen adamnyŋ motivatoryna ainaldy.
Barlyǧyn özıŋızden bastaŋyz
– Özımdı şynaiy baqytty jandardyŋ qataryna qosamyn. Ūmytpaŋyz, ömır sızge bır-aq ret berıledı. Adam özgeler üşın emes, eŋ aldymen özı üşın ömır süruı kerek. Kez kelgen jannyŋ basynan qiynşylyqtar ötedı. Bızdıŋ ata-babalarymyz soǧysty da bastan keşırdı ǧoi. Dese de, moiymady. Negızınen barlyǧy da adamnyŋ öz qolynda, sebebı taŋdau qaşan da tabylady.
Ömırge ǧaşyq jan jıgerı mūqalǧan jandarǧa öz aqyl-keŋesın de aita kettı.
«Bırınşıden, adam öz-özın qolǧa aluy kerek. Ekınşıden, ärdaiym ızdenıs üstınde bolǧany abzal. Kıtap oqyŋyz, seminar treningterde qatysyŋyz. Bylaişa aitqanda, tūlǧalyq jaǧynan damyŋyz. Sız özgerseŋız, älem de özgeredı. Sol üşın de barlyǧyn özıŋızden bastaŋyz»,-dep sözın qorytyndylady ol.
Aiaǧy joq, qoly joq qanşama jan baqytty ǧūmyr keşude
— Menıŋ ülgı tūtatyn adamym – anam. Sondai-aq, ünemı pozitivte jüretın jandardan şabyt alamyn. Bügınde aiaǧy joq, qoly joq qanşama jan baqytty ǧūmyr keşude. Olardyŋ arasynda tabysty biznesmen, myqty sportşy bolǧandary da bar. Mäselen, älemge tanymal Nik Vuichich bügınde köptegen adamnyŋ motivatoryna ainaldy.
Barlyǧyn özıŋızden bastaŋyz
– Özımdı şynaiy baqytty jandardyŋ qataryna qosamyn. Ūmytpaŋyz, ömır sızge bır-aq ret berıledı. Adam özgeler üşın emes, eŋ aldymen özı üşın ömır süruı kerek. Kez kelgen jannyŋ basynan qiynşylyqtar ötedı. Bızdıŋ ata-babalarymyz soǧysty da bastan keşırdı ǧoi. Dese de, moiymady. Negızınen barlyǧy da adamnyŋ öz qolynda, sebebı taŋdau qaşan da tabylady.
Ömırge ǧaşyq jan jıgerı mūqalǧan jandarǧa öz aqyl-keŋesın de aita kettı.
«Bırınşıden, adam öz-özın qolǧa aluy kerek. Ekınşıden, ärdaiym ızdenıs üstınde bolǧany abzal. Kıtap oqyŋyz, seminar treningterde qatysyŋyz. Bylaişa aitqanda, tūlǧalyq jaǧynan damyŋyz. Sız özgerseŋız, älem de özgeredı. Sol üşın de barlyǧyn özıŋızden bastaŋyz»,-dep sözın qorytyndylady ol.
Äŋgımelesken Diana ASAN,
«Adyrna» ūlttyq portaly
