Bas redaktorlar kluby men «Oqulyq» RǦPO özara yntymaqtastyq turaly memorandumǧa qol qoidy

«Bas redaktorlar kluby» qoǧamdyq bırlestıgı 200-den asa respublikalyq jäne aimaqtyq būqaralyq aqparat qūraldary basşylarynyŋ basyn bırıktıredı. «Oqulyq» respublikalyq ǧylymi-praktikalyq ortalyǧynyŋ direktory Ǧani Beisembaev pen «Bas redaktorlar kluby» qoǧamdyq bırlestıgınıŋ prezidentı Bibıgül Jeksenbai  özara yntymaqtastyq turaly memorandumǧa qol qoidy. Qol qoiu räsımıne Bas redaktorlar klubynyŋ müşelerı jäne aimaqtyq BAQ basşylary qatysyp, özara pıkıralmasu onlain rejimınde öttı, dep habarlaidy Almaty.tv. Taraptar bırınşı kezekte oqulyq mazmūnynyŋ sapasyn arttyru men saraptamalyq qoǧamdastyqpen yntymaqtastyq boiynşa aqparattyq mäselelerdı damytu jäne qazırgı taŋda kün tärtıbınde ötkır tūrǧan kıtap oqu sauattylyǧyn köteru baǧyttary boiynşa uaǧdalasty. Şara barysynda Ǧ.Beisembaev Memleket basşysynyŋ Ūlttyq qoǧamdyq senım keŋesınde aitqan būqara halyqty kıtap oqityn ūltqa ainaldyru jäne el azamattaryn kıtap mädenietıne bauluǧa qatysty tapsyrmalaryn oryndau boiynşa media alyptarymen tıze qosa, bırlesıp jūmys jasaityn kezdıŋ kelgenın atap öttı. Sonymen qatar ol osy yntymaqtastyq aiasynda aqparattyq süiemeldeuge iek artyp, öskeleŋ ūrpaqtyŋ oquǧa degen süiıspenşılıgın arttyruǧa baǧyttalǧan jalpyhalyqtyq fleşmob ötkızu turaly ūsynys jasady. «Balanyŋ oquǧa degen qyzyǧuşylyǧy, qorşaǧan ortany kıtap arqyly tanuy – būqaralyq aqparat qūraldarynyŋ da basty nazarynda boluǧa tiıs. Öitkenı būl tıl men dıldı, ekonomikany da qatar qamtidy. Eger osy baǧytta sız ben bız bolyp, nätijege den qoia yntymaqtasa qozǧalsaq, onda aldaǧy bes jyldyŋ kölemınde qazaq BAQ-nyŋ damuyna da daŋǧyl jol aşylar edı», –dedı Ǧ.Beisembaev. «Bızdıŋ ūiymdar arasynda jasalǧan memorandumnyŋ joǧary qūndylyǧy men mazmūnyn atap ötkım keledı. Bas redaktorlar klubynyŋ barlyq müşelerınıŋ atynan «Oqulyq» ortalyǧyna äleumettık maŋyzdy qyzmetınde ülken tabys tıleimın jäne jemıstı yntymaqtastyq pen bırlesken jobalardy jüzege asyruǧa niettımız», – dedı B.Jeksenbai. Esterıŋızge sala keteiık, «Bas redaktorlar kluby» qoǧamdyq bırlestıgı 200-den asa respublikalyq jäne aimaqtyq būqaralyq aqparat qūraldary basşylarynyŋ basyn bırıktıredı. «Oqulyq» RǦPO bılımnıŋ mazmūnyn baǧalau, oqulyqtar men oqu-ädıstemelık keşenderdı saraptau arqyly bılımnıŋ sapasyn qamtamasyz etuge atsalysady. Ortalyq özınıŋ qūzıretı şegınde QR Bılım jäne ǧylym ministrlıgınıŋ mındettemelerın oryndap, oqulyqtardyŋ sapasyn arttyru, sondai-aq öskeleŋ ūrpaqtyŋ  bılımın jetıldıru baǧytynda jūmys ısteidı.