2020 jyldyŋ 14 jeltoqsany Nūr-Sūltan qalasynda «Aqyndar auyldy jyrlaidy» atty ädebi-poetikalyq keşı öttı. Is-şaraǧa «Auyl» Halyqtyq-demokratiialyq patriottyq partiiasynyŋ töraǧasy Äli Bektaev, Qazaqstan Respublikasy Parlamentı Mäjılısınıŋ deputattyǧyna kandidattar Däuletkerei Käpūly men Zeiın Älıpbek qatysty.
Sonymen qatar, ruhani keşke partiianyŋ 2017 jyldan berı jyl saiyn ötkızıp kele jatqan «Auylym - altyn tūǧyrym» onlain-baiqauynyŋ jeŋımpazdary men qatysuşylary da jinaldy. Atalǧan baiqaudyŋ basty maqsaty - ūlttyq qūndylyqtardy därıpteu jäne auyldyŋ ruhani ömırın, tynys-tırşılıgın, auylda bolyp jatqan äleumettık-ekonomikalyq prosesterdı sipattau arqyly ūlttyq qūndylyqtardy nasihattau.
Konkurs 2017-2020 jyldary arasynda 4 ret ötkızılıp, myŋnan astam esse, öleŋder men dramalar partiia qorjynyna tüsken bolatyn. Solardyŋ barlyǧy 12 tomdyq jinaqqa kırıp, kıtap bolyp jaryq kördı.
Keş barysynda söz alǧan partiia töraǧasy Äli Bektaev: «Auyl taqyryby – eşqaşan tausylmaityn, eş şekarasy joq, eşteŋemen şektelmeitın kürdelı taqyryp ekenıne közımız jete tüstı. Auyldyŋ qasietı men kiesın körsetudıŋ jaqsy bır joly – ädebi konkurstar arqyly därıpteu ekenı belgılı. Auyl taqyrybyn söz etken eŋ myqty şyǧarmalarǧa onlain baiqau jariialadyq. Poeziia, proza, drama danrlary boiynşa ötken baiqauǧa elge tanymal aqyn-jazuşylar qazylyq ettı. Būl igı bastama dästürge ainalyp, jyl saiyn ötkızılıp keledı. Sol arqyly el arasynan qanşama myqty jas talanttar jaryqqa şyqty», - dep atap öttı.
Aqyn, ädebiettanuşy Däuletkerei Käpūlynyŋ aituynşa, ūlttyq negız, ūlttyq bolmys haqyndaǧy tolǧamnyŋ körınısın aqyn-jazuşylardyŋ şyǧarmasynan keruge bolady. Qazaqtyŋ söz önerı yqylym zamandardan qalyptasyp, ruhani negızımızge ainalyp, ūlt retındegı tanym-tüsınıkten, bolmys-bıtımnen, tūtastyqtan eş uaqytta ajyramai keldı. Jyraulardyŋ tolǧaulary, jyrşylardyŋ tökpesı, tıptı küişılerdıŋ sausaǧynan tögılgen kümbırlı küidıŋ özınde ūlttyq när, ūlttyq boiau, ūlttyq saryn men ūlttyq qūndylyq ajyramai, bırtūtas, ündesıp tūrady.
Onyŋ oiynşa, qazaq halqynyŋ bır erekşelıgı onyŋ ūlttyq bolmysy men tūrmys-tırşılıgı, ūlt retındegı salt-sanasy, dünietanymy, tıpten oilau jüiesı, ıs-äreketı de bır-bırımen astasyp, sabaqtasyp jatqandyǧynda.
– Däl qazır, joǧary tehnologiialyq zaman ornap, urbanizasiia şaryqtap jatqanda öskeleŋ ūrpaqqa ūlttyq erekşelıkterımızdı ūmyttyrmauymyz kerek. Osyǧan orai ūlt ūiytqysy – auylda saqtalǧan qazaqy bolmysymyzdy qala jastaryna jetkızıp, olardyŋ sanasyna tereŋ sıŋdıruımız kerek. Tek solai ǧana «Auyl» partiiasy sailaualdy baǧdarlamasynda aitylǧan ūlttyq ideologiiany negızge alyp, tamyrymyzdan ajyramai jaŋa qoǧam qūruǧa mümkındık tuady, - dep tüiındedı Däuletkerei Käpūly.
Poeziialyq keş barasynda Ä. Serıkbai, T. Mergenbai, Ä. Düisenbai, R. Qabidollin, A. Aqjıgıt. K. Aitbaev qatarly aqyndar Täuelsızdık künıne arnalǧan jyrlaryn oqydy.
Özge de aqyndar öleŋderın oqyp, änşıler dombyrada änmen şaşu şaşty.
Jas aqyn-jazuşylar partiia qataryn tolyqtyryp, müşelıkke öttı.
Qorytyndy söz alǧan jazuşy Töken Äljantegı «Men osy künge deiın bırde bır partiiaǧa müşe bolǧan emespın. Alaida, «Auyl» partiiasynyŋ atqaryp jatqan ırgelı ısterın, ūlanqaiyr şarualaryn körıp, öz rizaşylyǧymdy jasyra almadym. Eldıŋ özegı bolǧan auyldardyŋ mūŋ-mūqtajyn, qajetın joǧaryǧa jetkızıp, qazırgı maŋyzdy taqyryptardyŋ bırıne ainalǧan auyl taǧdyry üşın jasap jatqan jūmystaryŋyzǧa tek qana sättılık tıleimın!», dedı.
