– Qazaqstan Respublikasyndaǧy jūmyspen qamtu ortalyqtarynyŋ sanyna qatysty naqty jauapty tek Eŋbek jäne halyqty äleumettık qorǧau ministrlıgı ǧana bere alady. Bıraq, Enbek.kz portalynyŋ mälımetterı boiynşa, Qazaqstanda 203 halyqty jūmyspen qamtu ortalyǧy jūmys ısteidı. Qazaqstan Respublikasynyŋ Zaŋyna säikes, "Halyqty jūmyspen qamtu turaly"jūmyspen qamtu ortalyǧy negızgı maqsaty tömendegıdei:
11-bap. Halyqty jūmyspen qamtu ortalyǧy
1. Halyqty jūmyspen qamtu ortalyǧy:
1) halyqty jūmyspen qamtudyŋ jai-küiın baǧalaudy jäne damuyn boljaudy, halyqty eŋbek naryǧynyŋ jai-küiı turaly habardar etudı jüzege asyrady;
2) osy Zaŋda közdelgen jūmyspen qamtuǧa järdemdesudıŋ belsendı şaralaryn, sondai-aq biudjet qarajaty esebınen qarjylandyrylatyn jūmyspen qamtuǧa järdemdesudıŋ qosymşa şaralaryn ıske asyrudy jüzege asyrady;
3) ötınış jasaǧan adamdardy osy Zaŋnyŋ 13-babyna säikes jūmys ızdeuşıler retınde tırkeidı;
4) jūmysynan aiyrylǧan jaǧdaida Memlekettık äleumettık saqtandyru qorynyŋ qarajaty esebınen äleumettık tölem taǧaiyndau üşın tızbesın halyqty jūmyspen qamtu mäselelerı jönındegı uäkılettı organ belgılegen qajettı qūjattardy qabyldaudy jüzege asyrady jäne olardy Memlekettık korporasiiaǧa jıberedı;
5) äleumettık käsıptık baǧdarlau boiynşa qyzmetter körsetedı;
6) jūmys ızdep jürgen adamdarǧa jäne jūmyssyzdarǧa jeke özı barǧan nemese aqparattyq-kommunikasiialyq tehnologiialar jäne (nemese) ūialy bailanys jelısınıŋ abonenttık qūrylǧysy arqyly ötınış jasaǧan kezde olardy laiyqty jūmystyŋ bar ekendıgı turaly mındettı türde habardar ete otyryp, laiyqty jūmys taŋdauda järdemdesedı;
7) Memlekettık äleumettık saqtandyru qorymen özara is-qimyl jasaudy jüzege asyrady;
8) bos oryndardyŋ esebın jürgızedı;
9) jūmyspen qamtudyŋ jeke kartasyn jürgızedı;
10) äleumettık kelısımşarttar jasasady;
11) jūmys ızdep jürgen adamdarǧa, jūmyssyzdarǧa jäne ötınış jasaǧan özge de adamdarǧa eŋbek deldaldyǧyn körsetedı;
11-1) jūmyssyz retınde tırkeu turaly anyqtamany öteusiz negizde beredı;
11-2) tırkelgen jūmyssyzdarǧa qatysty biudjet qarajaty esebınen jäne körsetılgen qyzmetter üşın olardan tölemaqy almai, halyqty jūmyspen qamtu salasynda körsetıletın qyzmetterdıŋ autsorsingın halyqty jūmyspen qamtu mäselelerı jönındegı uäkılettı organ aiqyndaityn tärtıppen jüzege asyrady;
11-3) halyqty jūmyspen qamtu salasynda körsetıletın qyzmetterdıŋ autsorsingı turaly şarttyŋ ıske asyrylu barysyn monitoringteudı jäne baqylaudy jüzege asyrady;
11-4) Qazaqstan Respublikasynyŋ halyqty jūmyspen qamtu turaly zaŋnamasyna säikes Qazaqstan Respublikasy azamattarynyŋ qonys audaruşylardy qabyldaudyŋ öŋırlık kvotasyna engızu turaly ötınışterın qabyldaidy;
12) Qazaqstan Respublikasynyŋ halyqty jūmyspen qamtu turaly zaŋnamasynda közdelgen jūmyspen qamtuǧa järdemdesudıŋ özge de şaralaryn körsetedı.
2. Halyqty jūmyspen qamtu ortalyqtarynyŋ qyzmetın qarjylandyru Qazaqstan Respublikasynyŋ zaŋnamasynda belgılengen tärtıppen jüzege asyrylady.
– Jūmys ızdep jürgen adamdar jūmyssyz retınde qalai tırkele alady?– Qazaqstan Respublikasynyŋ 2016 jylǧy 6 säuırdegı "Halyqty jūmyspen qamtu turaly" Zaŋyna säikes sız bırden jūmyssyz retınde tırkele almaisyz. Aldymen jūmys ızdeuşı retınde tırkelu qajet. Mūndai tırkeudı tūrǧylyqty jerı boiynşa halyqty jūmyspen qamtu ortalyǧynan nemese Egov portaly arqyly onlain rejimınde aluǧa bolady. Jūmyspen qamtu ortalyǧyna jügıngen kezde jeke kuälık qajet.
– Jūmyspen qamtu ortalyǧy kımderdı jūmyspen qamti alady? Jalaqy mölşerı qandai?– Ortaşa jalaqy 60 000- 85 000 teŋge qūraidy.Jūmyssyz azamattarǧa tūraqty jäne uaqytşa jūmys oryndaryna (jastar praktikasy, qoǧamdyq jūmystar, äleumettık jūmys oryndary) jūmysqa ornalasuǧa järdem körsetıledı.
– Jūmyspen qamtu ortalyqtary joq auyl tūrǧyndary kımge jügınuı qajet?– Barlyq derlık auyldarda özderınıŋ jūmyspen qamtu ortalyqtary bar, olar bolmaǧan jaǧdaida azamattar oblystyq jūmyspen qamtu ortalyqtaryna bara alady nemese elektrondyq eŋbek birjasy Enbek.kz portaly arqyly qyzmetterge onlain tapsyrys bere alady.
– Jūmysty onlain türde ızdeu mümkındıgı bar ma? – Azamattar elektrondy eŋbek birjasy Enbek.kz arqyly onlain jūmys ızdei alady. Almaty qalasy äkımdıgınıŋ Halyqty jūmyspen qamtu ortalyǧynyŋ mamandary jūmys beruşılermen bos jūmys oryndary turaly mälımetterdı jinau jäne enbek.kz internet-portalyndaǧy jeke kabinetterde bos jūmys oryndary turaly aqparatty toltyru, sondai-aq, osy saladaǧy zaŋnamany tüsındıru boiynşa tūraqty jūmys jürgızedı. – Soŋǧy 3 ai kölemınde qanşa adam jūmyspen qamtyldy?– 2020 jyldyŋ basynan bastap Almaty qalasy äkımdıgınıŋ halyqty jūmyspen qamtu ortalyǧy 34148 adamdy tūraqty jūmys oryndaryna ornalastyrdy.Uaqytşa jūmys oryndaryna 18649 adam jūmysqa ornalystyryldy.
«Adyrna» ūlttyq portaly
