Adam balasy ärtürlı. Atyn şyǧaru üşın «jer örteitınder» bar. Bıraq mäsele mynada: mūndai äreketter aldymen adamnyŋ özıne, ainalasyna, qorşaǧan ortaǧa ziianyn tigızbeuı tiıs.
Bıraq atyn şyǧaryp, erjürektıgımen Ginnestıŋ «Rekordtar kıtabyna» atyn qaldyryp jatatyndar raz emes. Mysaly, Qytaidyŋ tūrǧyny Juan Lian Mindı eşqaşan aralar şaqpaidy eken. Oǧan qatysty myna bır oqiǧany eske alsaq ta jetkılıktı. Qorǧanyş kostiumın kigen assisentter onyŋ üstıne bırneşe korzinaǧa toly aralardy jıbergen. Aralardyŋ salmaǧy şamamen 63,5 kelı tartqan. Üstı-basyna ara jabysqan qytailyq jıgıt qozǧalmai bırneşe saǧat tūrǧan. Mamandardyŋ aituyna qaraǧanda, eger osynşama aralar Juan Lian Mindı şaǧatyn bolsa, ol denesıne 3 myŋnan asa «u» alyp, ony kötere almai ölıp ketetın edı. Quanyşqa orai, qytailyq jıgıttı aralar şaqpaidy eken.
Sondai-aq Tailand tūrǧyny Kanchanu Ketkeou uly şaiandardan qoryqpaidy. Ol 33 kün boiy 3,4 myŋnan astam şaiandarmen bırge tūrǧan. Jürek jūtqan qyz sonymen qatar, uly şaiandy 3,5 minut boiy auzynda ūstaǧan.
Būl ǧana emes, Tehas tūrǧyny Djeki Bobbi vannada 45 minut boiy 195 uly jylanmen otyrǧan. Ol özınıŋ uly jylandarymen bükıl AQŞ-ty şarlap, gastroldık saparda jüretın bolǧan. Bıraq qandai da bır oqys jaǧdai qaitalanbaǧan. Al mūnyŋ sebebı nede? Bibbidıŋ aituyna qaraǧanda, uly jylanmen vannada otyrǧanda eş qozǧalmauyŋ kerek. Eger säl qozǧalsaŋ bıttı, şaǧyp alady, söitıp ömırmen qoştasasyŋ. Bıraq Djeki Bobbi ömırınde bır ret qiyn jaǧdai oryn alǧanyn da jasyrmaidy. Ony bır gastrolde uly jylan şaǧyp alǧan. Aqyrynda jaǧdai qiynǧa ainalyp, därıgerler onyŋ bır aiaǧyn tızesınen tömen kesıp tastauǧa mäjbür bolǧan. Qazır ol protezben jüredı.
Zaporojedegı şaǧyn zooparktıŋ iesı Aleksandr Pyloşenko ekı jolbaryspen torda 36 künın ötkızgen. Mūnyŋ sebebı nede? Ol osy äreketı arqyly jūrtşylyqtyŋ nazaryn audaryp, tordaǧy haiuanattaryna tamaq pen qarjy jinaǧan körınedı.
Oŋtüstık Afrikanyŋ Botsvan qalasyndaǧy Okavango özenınde ūzyndyǧy 4 metr bolatyn qauıptı qoltyrauyndarmen bırge jüzuge bolady. Ol üşın sız aldymen 5,5 myŋ evro töleuıŋız kerek jäne özenge tüser aldynda «būl şarany ūiymdastyruşylarǧa eşqandai kınä artpaimyn» dep qolhat jazuyŋyz qajet.
Mıne adamdar özderınıŋ basyn tıgıp, qanşama qauıp-qaterge barady. Bıraq atyŋdy şyǧaryp, mūny qaitalaudyŋ eş qajetı joq. Būl adam balasy qaitalauǧa tiıs emes rekordtar. Sondyqtan saqtyqta qorlyq joq, tynyş jürgenge ne jetsın?!.
Erkın QALDAN,
«Adyrna» ūlttyq portaly.
