Qaznette qoldanystaǧy normativtık qūqyqtyq aktıler men zaŋ jobalaryn talqylaityn jaŋa platforma aşyldy. İdeia avtory KAZGUU Universitetınıŋ aituynşa, www.kodeks.kz saity ǧylymi pıkırtalas üşın qūrylǧan. Zaŋgerler ǧana emes, kez-kelgen azamat, BAQ ökılı men müddelı tūlǧalar da NQA jobasynyŋ naqty erejelerı men normalaryn talqylauǧa qatysuǧa mümkındık alyp otyr.
«Ūiymdar men jeke tūlǧalar üşın tegın bolyp tabylatyn platforma bızdıŋ öz qarajatymyzdyŋ esebınen qūryldy. Kontentı professor-oqytuşylar qūramynyŋ zertteu nätijesımen ünemı qazaq jäne orys tılderınde tolyǧyp otyrady»,- dedı Bılım jäne ǧylym ministrlıgıne qarasty ADAL BILIM jobalyq keŋsesınıŋ tıkelei efirınde KAZGUU Universitetınıŋ Provosty Sergei Pen.
Qazırgı uaqytta kez kelgen ūiymǧa özıne bekıtılgen Normativtık qūqyqtyq aktılerdı basqaruǧa jäne redaksiialauǧa mümkındık berdık. Nätijesınde QR Konstitusiiasyn ǧana emes, Kodeksterı men zaŋdaryn talqylauǧa mümkındık tudy. Qazaqstan Respublikasy Joǧarǧy Sotynyŋ normativtık qaulylarynyŋ jobalaryn talqylau josparlanuda.
«Qazaqstan Respublikasynyŋ Joǧarǧy soty janynda Ǧylymi-konsultativtık keŋes jūmys ısteidı. Būl platforma ǧylymi keŋestıŋ müşelıgıne kırmeitın basqa da ǧalymdardyŋ pıkırın eskeruge mümkındık beredı. Sot qyzmetınde zaŋger ǧalymdardyŋ ǧana emes, qarapaiym halyqtyŋ pıkırı de maŋyzdy. Eger Qazaqstannyŋ kez kelgen azamaty öz pıkırın däleldı türde baiandaityn bolsa, onda onyŋ ūsynysyn öz jūmysymyzda qoldana alamyz. Qazır sudialarǧa qatysty syn köp. Kodeks.kz osy syn-eskertpelerdı käsıbi dialog aiasynda qarastyra alamyz», - dedı Qazaqstan Respublikasy Joǧarǧy Soty Apparatynyŋ bölımmeŋgeruşısı Däuren Eŋsebaev.
«Adyrna» ūlttyq portaly
