Armenııa úkimetiniń basshysy Nıkolaı Pashınıan "Zvartno" áýejaıyna jetip, Máskeýge attandy. Bul týraly narazylyq bildirýshilerdiń biri málimdedi,dep habarlaıdy «Adyrna» ulttyq portaly Spýtnık-Armenııa saıtyna silteme jasap. "Eger premer-Mınıstr Máskeýde qandaı da bir qujattarǵa qol qoısa, Armenııanyń áýe keńistigi ol úshin jabylady" dep eskertý jasady narazy top.
Pashınıandy Msákeýdegi kezdesýge jibermeımiz degen narazy top búgin onyń jolyn japqan bolatyn. Áýejaıǵa baratyn joldy kes-kestegen armıan oppozııonerleri joldy ashpas buryn, Pashınıanǵa úlken eskertý jasady. "Nıkol Pashınıan - zańsyz Kóshbasshy, ol Armenııany bildirmeıdi, al erteń ol qol qoıǵan qujattar eshqandaı zańdy kúshke ıe bolmaıdy", - deıdi narazylyq bildirýshilerdiń belsendisi.
Osydan keıin oppozııonerler bul narazylyqty aıaqtap, Zvartno áýejaıyna aparatyn joldy ashatynyn aıtty.
Esterińizge sala keteıik, oppozıııa 11 qańtarda tańerteń Armenııa úkimetiniń basshysyna Máskeýge barýǵa múmkindik bermeý maqsatynda akııa uıymdastyrdy, onda ol Reseı men Ázirbaıjan Prezıdentteri Vladımır Pýtın men Ilham Álıevtiń qatysýymen úshjaqty kelissózder júrgizýge nıetti.
Taraptar Qarabaq tóńiregindegi jaǵdaıdy, sondaı-aq tutqyndardy qaıtarý jáne kommýnıkaııalardy ashý máselesin talqylaıdy. Pashınıannyń qarsylastary kezdesýde eldiń múddelerine nuqsan keltiretin qujatqa qol qoıylady dep sanaıdy.
Pashınıannyń eline qaıta oralýy osy kezdesýde qabyldanǵan kelisimsharttarǵa qol qoıýymen anyqtalatyn sııaqty. Óıtkeni armıan oppozıııasy ony shyǵaryp salyp turyp, qatty eskertti: "Eger Pashınıan elimizdiń atynan qandaı da bir qujatqa qol qoısa, áýe joldary jabylady",- dedi. Pashınıan "qaıtpas saparǵa" ketkendeı me, qalaı? Ne bolsa da, áliptiń artyn baǵaıyq.
