AQŞ-tyŋ prezidentı Donald Tramptyŋ eŋ jaqyn serıktesterı Ukraina oppozisiia ökılderımen jasyryn kelıssözder jürgızdı. Olardyŋ qatarynda eldıŋ būrynǧy premer-ministrı Iýliia Timoşenko da bar. Būl turaly Politico basylymy 6 nauryzda öz derekközderıne sılteme jasap mälımdegen, dep habarlaidy "Adyrna" ūlttyq portaly.
"Donald Tramptyŋ tört joǧary lauazymdy serıktesı Kievte Vladimir Zelenskiidıŋ basty saiasi qarsylastarymen qūpiia kezdesu ötkızdı. Būl kezde Vaşington Mäskeumen bırge Ukraina prezidentın bilıkten şettetuge tyrysyp jatyr", – delıngen jariialanǧan materialda.
Kezdesude Ukrainada merzımınen būryn prezidenttık sailau ötkızu mümkındıgı talqylanǧan.
Politico basylymynyŋ mälımetınşe, Tramptyŋ kömekşılerı Zelenskiidıŋ halyqtyŋ soǧysqa şarşauy men jemqorlyqqa narazylyǧy saldarynan sailauda jeŋıluı mümkın ekenın alǧa tartqan. Sonymen qatar, keibır ukrainalyq şeneunıkter AQŞ prezidentımen qarym-qatynasty qalpyna keltırudı jaqtap otyrǧany belgılı boldy. Olar Vaşingtonnyŋ qoldauynsyz Kiev älsıreitının tüsınedı.
Basylymnyŋ jazuynşa, Tramptyŋ Ukrainaǧa äskeri kömektı toqtatu turaly şeşımı eldegı saiasi daǧdarysty küşeite tüstı. Aqparatqa säikes, Tramp äkımşılıgı Zelenskiige AQŞ-tyŋ Ukrainadaǧy soǧysty jyldam retteu josparyna kelısuge nemese otstavkaǧa ketuge ūsynys jasaǧan.
Ūqsas jaŋalyqtar
