Qarjy piramidasyn qūryp, 152 jäbırlenuşıden 90 mln-nan astam qarjy jymqyrǧan alaiaq sottaldy, dep habarlaidy «Adyrna» tılşısı Işkı ıster ministrlıgıne sılteme jasap.
Qyzylorda qalalyq Polisiia basqarmasynyŋ tergeu bölımınıŋ tergeuşısı Nūrmaǧanbet Nūrboldyŋ şeberlıgınıŋ jäne kürdelı jūmystarynyŋ nätijesınde 1982 jyly tuylǧan, jūmyssyz, būryn sotty bolǧan äiel azamatşa ūstaldy. Ol qarjy piramidasyn qūru arqyly 152 azamattan 91 million 496 myŋ teŋgeden astam qarjyny qoldy etken.
Keleŋsız oqiǧa 2019 jyldyŋ tamyz aiynan bastau aldy. Ol “WhatsApp” jelısınde “Ai-şuaq” tobyn aşyp, qarjylyq (investisiialyq) piramida qūryp, oǧan basşylyq jasaǧan. Topqa qosylǧan bırınşı qatysuşylar alǧaşqy salymdaryn salyp, 40 paiyz üstemesımen öz qarajattaryn qaitaryp alyp otyrǧany belgılı boldy. Jalpy ainalymdaǧy qarjy 1 mlrd 695 mln 538 myŋ teŋgenı qūraǧan. Uaqyt öte kele, artynan kırgen piramida qatysuşylaryna, qūr uäde üiıp-tögıp, közden tasa bolǧan.
Osy atalǧan derek boiynşa Qazaqstan Respublikasynyŋ Qylmystyq kodeksınıŋ 217-babynyŋ 3-bölıgınıŋ 2-tarmaǧymen (Qarjylyq (investisiialyq) piramidany qūru jäne oǧan basşylyq etu, asa ırı mölşerde aqşany nemese özge mülıktı tarta otyryp jasalǧan) sotqa deiıngı tergep-tekseru amaldary jürgızıldı.
Qyzylorda qalalyq sotynyŋ şeşımımen aiyptaluşy bes jylǧa bas bostandyǧynan aiyryldy.
«Adyrna» ūlttyq portaly
