Äŋgıme joq! Tūrmystyq zorlyq-zombylyq problemasy Qazaqstanda äbden uşyǧyp tūr. Ony tek zaŋ jobasymen rettei alamyz. Äleumettık jelılerde būl mäsele ülken rezonans tudyryp jatyr. Eldıŋ bır bölıgı zaŋ jobasyn maqūldaimyz dese, bır bölıgı oǧan qarsy. Menıŋşe bölınıp, arazdasyp jatqanşa, ortaq bır mämılege kelgenımız jön.
Sailau, Mädi, jaŋa Ükımet taqyryptary köbımızdı äldeqaida özektı mäseleden būryp äkettı. İä, pandemiia jaǧdaiy bızdegı otbasy institutynyŋ küirep, şatqaiaqtap tūrǧanyn körsettı. BAQ betterındegı jaŋalyqtar, körşı üilerdegı aiqai-şu, auyldan kelıp jetken qorqynyşty äŋgımeler osy sözımızdıŋ dälelı. Bıraq!
Özım jaŋylyp, keiın jūrtty şatastyrmas üşın, men “Tūrmystyq zorlyq-zombylyqqa qarsy ıs-qimyl turaly” zaŋ jobasymen tolyq tanysyp şyqtym. 3 kün ärı oilanyp, berı oilanyp, mynadai qorytyndyǧa keldım:
- Zaŋ jobasynda qazaq halqynyŋ dästürlı bala tärbiesı, otbasy, äuletke qatysty tanym-tüsınıkterı müldem eskerılmegen. Iаǧni ūlttyq psihologiiasy, ömır süru prinsıpterı men ūlttyq mentalietı qalys qalǧan;
- Zaŋ jobasy tūrmystyq problemalardyŋ sebepterımen emes, saldarymen küresuge arnalǧandai. Bız otbasyndaǧy kikıljıŋ neden tuady, oǧan ne türtkı degen mäselelerdı alǧa tarta otyryp, kürestı eŋ bırınşı sol problemalardan bastauymyz kerek. Halyqtyŋ tömen kün-körıs deŋgeiı, jastar arasyndaǧy jūmyssyzdyq, alkogoldı ışımdıkter men narkotraptyq zattarǧa, qūmar oiyndarǧa täueldılıktıŋ zardaby talai şaŋyraqtyŋ şaiqaluyna negızgı sebep emes pe?! Osyny bıle tūra biyldan bastap otandyq telearnalardan spirttık ışımdıkterdıŋ jarnamasyna rūqsat beretın qūjatty da maqūldap jıberdık. Mūndai terıs ideologiia täuelsızdıgı joq elderdıŋ arnalarynan körsetılmeidı. Endı törıŋızde otyryp balalaryŋyzben bırge araq-şaraptyŋ reklamasyn köresızder;
- Atalmyş zaŋ jobasy tar päterde ömır sürıp jatqan otbasylardan balalardy küştep alyp ketuge rūqsat beredı. Būl da pısıp, jetılmegen tarau. Öz halqyna tiımdı tūrǧyn üi baǧdarlamasyn jasai almai otyrǧan jüienıŋ zardabyn qarapaiym halyq tartpauy kerek. Mügedek, köp balaly otbasylarǧa alǧaşqy jarnasyz päter beretın memlekettık baǧdarlama qabyldansyn. Sonda ǧana talap etuge bolady. Äitpese mynau baryp tūrǧan qaraqşylyq. Balaǧa meilı ol qara nan jep, qara su ışıp otyrsa da eşqaşan eşkım öz ata-anasyndai meiırımın töge almaidy;
- Zaŋ jobasy soŋǧy jyldary köbeiıp ketken türlı qūqyq qorǧau ūiymdarynyŋ müddesıne arnap jasalǧandai äser qaldyrdy. Al onyŋ artynda milliondaǧan qarjy bar. Ol ūiymdar qaidan keldı, qandai missiiamen jür, ony baqylap jatqan kım bar?!
- Atalmyş zaŋ jobasynda būqaralyq aqparat qūraldarynda jynystyq kemsıtuşılıkke jol berılmeu turaly da jazylǧan. Aldaǧy uaqytta voleibolşy qyz turaly jaŋalyqtarmen jylap körısetın kün kele jatyr. Būl da alaŋdaityn jaǧdai. Ötken jyly elımızde jynys auystyruǧa rūqsat beretın zaŋ maqūldanyp ketkenın eskersek, atalmyş zaŋ jobasy ülken azǧyndyqtyŋ esıgın aiqara aşaiyn dep tūrǧandai;
Qūrmettı Mäjılıstıŋ jaŋarǧan qūramy! Qūrmettı halyq qalaulylary!
Zaŋ jobasyn jasaqtauǧa qatysqan ärıptesterıŋızdı toqtatyŋyzdar. Qazaq halqynyŋ salt-dästürıne, ūlttyq salt-sanasyna terıs keletın taraular qaita qaralsyn;
Sözsız, men zorlyq-zombylyqtyŋ qandai da türıne bolsa da qarsymyn, oǧan jol berılmeuı kerek! Bıraq zaŋ jobasyna qatysty eldıŋ ūsynys-tılekterı eskerılsın. Qajet bolsa, jūmys tobynyŋ qūramy da qaita qaralsyn;
Jūmys tobynyŋ barlyq äreketterı BAQ-ta jariialansyn. Elden eşteŋenı jasyrmaudy talap etemın;
Qūjatty daiyndaǧan Mäjılıs deputattarynyŋ aty-jönderı BAQ-ta jariia etılsın. Zaŋ jobasyna qatysty brifing josparlanyp, tüsındıru jūmystaryn ūiymdastyrsyn;
Sailauǧa tüsken partiialar!
Halyqqa bergen uädelerıŋızdı ıs jüzınde däleldeitın uaqyt keldı! Eŋ bırınşı kezekte qazaq halqynyŋ müddesın qorǧaŋyzdar!
Qūrmetpen, Azamat BİTAN.
"Adyrna" ūlttyq portaly.
Foto aşyq
derekközden alyndy.
Basqalarmen bölıse
otyryŋyz
