Şet eldık ǧylymi basylymdarǧa zertteu maqalaŋyzdy jariialau üşın basylym talaptaryna qarai ǧylymi stilderdıŋ bırın taŋdau qajet bolady. Ötken joly bız ARA turaly şolu jasadyq. Endı AMA turaly pıkırımızdı ortaǧa salamyz.
AMA (American Medical Association) stilı de qalyptasqan ǧylymi stilderdıŋ bırı.
Atalǧan stil akademiialyq ortada avtorlarǧa öz zertteuıne bailanysty belgılı bır teoriianyŋ däleldenuı nemese belgılı bır önertapqyştyq, jaŋa ǧylymi aşyluǧa bailanysty qoldanylatyn, iaǧni, ol teoriianyŋ nemese jaŋalyqtyŋ aşyluyna qandai zertteu yqpal etkenın körsetuge mümkındık beretın jüie.
AMA ǧylymi sıltemelık stilın amerikalyq medisinalyq qauymdastyq arnaiy şeşımmen alǧaşqyda tek öz basylymdarynda qoldanu maqsatynda qalyptastyrǧan. Bügıngı künı būl stil tek medisinalyq basylymdarǧda ǧana emes, kez kelgen önertapqyştyq, ǧylymi jaŋalyqtarǧa bailanysty türlı salalyq zertteulerde keŋınen qoldanylady.Sol sebeptı de bırqatar özgerısterge ie. Būl stilde däieksözder de, sıltemelerge de sılteme jasau ekı bölek jüzege asyrylǧanmen, däieksöz mätın mazmūnynda keltırıledı. Al sılteme mındettı tūrde zertteu jūmysynyŋ soŋyndaǧy anyqtama tızımınde körsetıluı tiıs. AMA stilınde formattaudyŋ bırneşe joly bar. Eŋ tiımdısı, daiyndalǧan ǧylymi maqalaŋyzdy arnaiy veb-saitta öŋdep şyǧu. Qazaq tılınen audarylǧan kez kelgen ǧylymi maqala üşın būl jerde bır mūqiiat qaraityn jaǧdai: söilemdegı (äsırese gumanitarlyq salalarda) keibır audarylǧan ūǧymdar men terminderdı «tüsınbei» qaluy mümkın. Mūndai qolaisyzdyq tuyndamau üşın sol ärbır ūǧymnyŋ maǧynasyn qysqa, ärı naqty tüsındıretın sılteme berıp, aldyn-ala anyqtamalyq biuro paraqşasyna tırkep qoiǧanyŋyz jön bolady.
Arai JÜNDIBAEVA,
filosofiia (PhD) doktory,
lingvist, ädebiet zertteuşısı
