Mıllıarder Ilon Mask negizin qalaǵan Neuralink kompanııasy mı chıpin ornatýǵa jańa qatysýshy izdeıdi. Bul týraly kompanııanyń baspasóz qyzmeti X áleýmettik jelisinde habarlama jasady, dep habarlaıdy “Adyrna” ulttyq portaly.
Aqpaoat boıynsha, eksperımentke qatysýǵa qoly men aıaǵy sal bolyp, qalypty qozǵalys qyzmetin joǵaltqan adam shaqyrylady. Kásipkerdiń ózi de eksperımentke ekinshi erikti izdeıtinin habarlady.
"Bizdiń "Telepatııa" kıbernetıkalyq mı ımplantymyz telefon men kompıýterdi oılaryńyzdyń kúshimen basqarýǵa múmkindik beredi", – dep jazdy kásipker X áleýmettik jelisinde.
Aıta ketsek, Neuralink 2016 jyldan beri jumys isteıdi jáne 2019 jyly Bluetooth arqyly mı sıgnaldaryn jiberýge qabiletti qurylǵysyn tanystyrdy. 2021 jyly ǵalymdar chıpti janýarǵa ornatyp kórý synaǵyn sátti aıaqtady.
2023 jyldyń qyrkúıeginde kompanııa ımplantty synaý úshin eksperımentke qatysýshylar tarta bastady. Neuralink chıptiń qaýipsizdigin jáne qurylǵyny ornatý úshin qoldanylatyn hırýrgııalyq robot jumysyn synap kórgisi keldi. Implant 29 jastaǵy sal aýrýyna shaldyqqan Noland Arboǵa qondyryldy. Jas jigit chıptiń kómegimen ákesimen oıyn oınap, H jelisinde jeke blogyn ashty.
