Keşe Moldova Respublikasynyŋ Konstitusiialyq soty elde «orys tılıne märtebe beru zaŋsyz» dep mälımdeme jasady. Öitkenı būl Moldovanyŋ Konstitusiiasyna qaişy keledı.
— Būl Moldova Respublikasy Konstitusiialyq sotynyŋ soŋǧy şeşımı. Būdan ärı ıs qarauǧa jatpaidy. Şeşım jaryq körgen künnen bastap küşıne enedı jäne oǧan qarsy eşkım de şaǧym tüsıre almaidy, – dep mälımdedı jurnalister aldynda Konstitusiialyq sottyŋ töraǧasy Domnika Manole.
Alaida Moldovadaǧy oppozisiialyq partiialardyŋ qarsylyq bıldıruıne qaramastan atalǧan şeşım küşınde qala beretın boldy. Reseige büiregı būryla qoimaityn europalyq baǧytty ūstanǧysy keletın moldovalyq ūltşyldar Konstitusiialyq sottyŋ būl qadamyn qūptap otyr. Olar täuelsız el eşkımge täueldı bolmai, öz aldyna derbes saiasatyn jürgızuı kerek dep sanaidy.
Būl ǧana emes, Ukraina elı de ötken aptadan bastap, eldegı barlyq qyzmet türlerın tek qana ukrain tılınde jüzege asyratynyn mälım ettı. Tıptı Ukraina Joǧary Radasynyŋ töraǧasy Andrei Parubii jiynda orys tılınde söilegen keibır oppozisiialyq partiia ökılderınıŋ mikrofonyn öşırıp tastaǧan oqiǧalar jiı kezdestı.
Ol orystardyŋ «Ukrainany mädeni okkupasiialau uaqyty öttı» dep mälımdedı. Joǧary Rada «tek qana ukrain tılınde söileuı tiıs» dep talap qoidy. Qazır el tek qana ukrain tılınde söilep, qyzmet etudı üirendı jäne jaǧdai qalypqa tüstı. Bülıngen eşnärse joq. Mıne täuelsız el saiasatyn osylai derbes jürgızedı. Moldova Respublikasynda da memlekettık moldovan tılın qadırleu arta tüstı.
Äŋgımenıŋ aqiqaty, öz tılın qadırlemei otyrǧan bızdıŋ orysqūl bilık qana. Köz aldyŋyzǧa elestetıp körıŋızşı, mynandai körınıs bızde qaitalanuy mümkın be? Mäjılıs töraǧasy Nūrlan Nyǧmatulin orys tılınde söilegen bır deputattyŋ mikrofonyn öşırıp tastap, «memlekettık tılde söile» dep qatty talap qoiyp jatsa... Kez kelgen jaqsy närsege börkın aspanǧa atyp, quana ketetın qazaq Nyǧmatulindı ūlt qaharmanyna ainaldyryp jıberer edı- au.
Özbek , äzerbaijan, türıkmen, täjık, gruzin men armiannyŋ da bilıgı men mäjılısı jäne zaŋ şyǧaruşy organdary öz tılınde söileidı jäne ıs-qaǧazdaryn memlekettık tılde jürgızedı. Al bızdıŋ deputattar qazaq Mäjılısınde tūryp, antty Resei tılınde qabyldaidy. Sanaǧa syimaidy. Tırlıkterı tüsınıksız.
Bızdıŋ orysqūl bilık qana orysşa söilep, jyly oryntaǧyn auystyrǧysy kelmei älı öz oryndarynda otyr. Olar orysşa söileitın jäne orysşa oilaityn jas ūrpaqty köbeitıp jatyr. Zardaby orasan zor bolatyn būl qauıptı kım toqtata alady?!
...Özegıŋdı örteitın ökınış osy.
Erkın QALDAN,
«Adyrna» ūlttyq portaly.
