Şyǧys Qazaqstan oblystyq "Bılım-innovasiia" mamandandyrylǧan liseiınıŋ oquşysy Temırlan Baibolov El maqtanyshy syilyǧynyŋ iegerı atanyp, bır million teŋge syiaqyǧa ie boldy, dep habarlaidy "Adyrna" ūlttyq portaly Altainius. saityna sılteme jasap.
"Elbasy akademiiasynyŋ" mälımetınşe, būl syilyq bedeldı halyqaralyq pändık olimpiadalarda jüldelı oryndarǧa ie bolǧan oquşylar men olardyŋ jattyqtyruşy-tälımgerlerıne arnalǧan.Temırlan Baibolov 2020 jyly IOI informatika pänınen halyqaralyq olimpiadada kümıs medaldı jeŋıp alǧan. El maqtanyshy – onyŋ ekınşı syilyǧy. On bırınşı synyptyŋ ozat oquşysy jaz boiy olimpiadaǧa daiyndalypty.
"Būl joba daryndy balalardyŋ esımderın därıpteidı. Olardyŋ bas qosyp, pıkır almasuyna mümkındık beredı. Materialdyq kömek te quantady, älbette. Äsırese köp jaǧdaida esımı atalmai qalatyn mūǧalımderdıŋ de eŋbegı elenedı. Sonysymen ūnaidy", – deidı Temırlan.
Ūqsas jaŋalyqtar
