Emdelu üşın zeinetaqy qoryndaǧy aqşany merzımınen būryn alu portaly 25 aqpanda ıske qosylady, dep habarlaidy "Otbasy bankı" basqarma töraǧasy Läzzat İbragimova.
"Soŋǧy jaŋaşyldyqtarǧa qatysty özgerıs engızu üşın 3 jūmys künı qajet. Bastapqyda qosylǧan keibır syrqat türlerı alynyp tastaldy. Qazır barlyq mehanizmdı rettep jatyrmyz. Būl ıs bırneşe kezeŋnen tūrady. Ötınış beruşı öz ötınışınıŋ "Otbasy bankı" portalynan BJZQ saityna jıberılıuın ekı kündei kütetın bolady. Ädette būl bır jūmys künı ışınde jasalady. BJZQ bes kün ışınde aqşany arnaiy esepşotqa audaruy tiıs", – dedı Läzzat İbragimova.18 aqpandaǧy jaǧdai boiynşa "Otbasy bankınde" 160 myŋnan astam arnaiy esepşot aşylǧan. 96 myŋnan astam qazaqstandyq baspanaǧa jūmsau maqsatynda ötınış räsımdegen.
"Baǧdarlamany kütıp otyrǧan köptegen adamnyŋ medisinalyq kartasynda diagnozy bar. Erejege säikes, adam ötınış bergen soŋ 5 kün ışınde därıgerler keŋesı jinalady. Keŋes ötkennen keiın ekı künı ışınde komissiia hatşysy klientke naqty jauap jetkızuı tiıs. Komissiia qorytyndysy portalda klient bergen ötınış janynda bekıtıledı", – dep tüsındırdı bank basşysy.Emdelu üşın bıryŋǧai jinaqtauşy zeinetaqy qorynan aqşa aluǧa ötınış beru mehanizmı baspana jaǧdaiyn jaqsartuǧa bergen ötınışpen bırdei bolady.
Ūqsas jaŋalyqtar
