Qazgıdromet mamandary aýa raıyna baılanysty daýyldy eskertý jarııalady, dep habarlaıdy «Adyrna» tilshisi.
Shyǵys Qazaqstan oblysy
12-14 naýryz aralyǵynda Shyǵys-Qazaqstan oblysynda burqasyn, tuman kútiledi. Ońtústik-batystan soǵatyn jel soltústik-shyǵysqa aýysady, kúshi keı jerlerde 15-20, ekpini 23-28 m/s. Aýa temperatýrasynyń 2-7, keı jerlerde 10 gradýs aıazdan 20-25, keı jerlerde 30, oblystyń ońtústiginde 15 gradýs aıazǵa deıin kúrt tómendeýi kútiledi. 13 naýryzda oblystyń basym bóliginde qar, keı jerlerinde qatty qar jaýady. Óskemen q.: 12 naýryzda kúndiz kóktaıǵaq. Ońtústik-shyǵystan soǵatyn jeldiń ekpini 15-20 m/s kútiledi. Semeı q.: 12 naýryzda jaıaý burqasyn, kóktaıǵaq, ońtústik-shyǵystan ońtústik-batysqa aýysyp soǵatyn jeldiń ekpini 15-20 m/s kútiledi.
Soltústik Qazaqstan oblysy
12-13 naýryz aralyǵynda Soltústik-Qazaqstan oblysynda aýa temperatýrasynyń 13-16 gradýs aıazdan 25-30, keı jerlerde 22 gradýs aıazǵa deıin kúrt tómendeýi kútiledi.
Qyzylorda oblysy
12 naýryzda Qyzylorda oblysynyń keı jerlerinde kóktaıǵaq, burqasyn kútiledi. Soltústik-shyǵystan jel soǵady, kúshi túnde keı jerlerde 15-20 m/s, kúndiz 15-20, keı jerlerde 25 m/s kútiledi. Qyzylorda q.: 12 naýryzda kóktaıǵaq, burqasyn kútiledi. Soltústik-shyǵystan jel soǵady, kúndiz kúshi 15-20 m/s kútiledi.
Qaraǵandy oblysy
Qaraǵandy qalasynda túnde 12 naýryzda jaıaý burqasyn kútiledi. Ońtústik-batystan jel soǵady, túnde ekpini 15-20 m/s kútiledi.
Mańǵystaý oblysy
12 naýryzda Mańǵystaý oblysynyń keı jerlerinde burqasyn, kóktaıǵaq, jeldiń kúsheıýi 17-22 m/s deıin kútiledi. Aqtaý q.: 12 naýryzda kúndiz kóktaıǵaq, jeldiń ekpini 15-20 m/s kútiledi.
Qostanaı oblysy
12 naýryzda Qostanaı oblysynyń keı jerlerinde jaıaý burqasyn, tuman kútiledi. Batystan, soltústik-batystan jel soǵady, kúshi keı jerlerde 15-20 m/s jetedi.
«Adyrna» ulttyq portaly
