Türkıstan qalasyndaǧy Qoja Ahmet Iаsaui atyndaǧy Halyqaralyq qazaq-türık universititınıŋ Botanikalyq baǧynda otyrǧyzylǧan 3000 tüp Nazarbaev qyzǧaldaǧy güldedı, dep habarlaidy «Adyrna» tılşısı oblys äkımdıgınıŋ baspasöz qyzmetıne sılteme jasap.
«Prezident Nazarbaev» dep atalatyn qyzǧaldaqtyŋ jaŋa sūrypy byltyr egılgen. Türkı elderınıŋ sammitıne orai Nazarbaev qyzǧaldaǧyn arnaiy jylyjaida ösırumen jäne kütım jasaumen auyl şaruaşylyǧy ǧylymdarynyŋ doktory, professor Amangeldı Apuşev jäne biologiia ǧylymdarynyŋ kandidaty Bahadur Iýsupovtyŋ jetekşılıgımen jüzege asuda. Aldaǧy uaqytta qyzǧaldaq gülınıŋ sanyn edäuır arttyru közdelgen.
«Qazaqstan – qyzǧaldaqtyŋ otany bolyp sanalatynyn ǧalymdar ǧylymi eŋbektede däleldegen jäne Elbasy özınıŋ «Ūly dalanyŋ jetı qyry» maqalasynda da erekşe atap öttı. Qazaqstan jerınen alǧaş ret dala qyzǧaldaqtary XVIII ǧasyrda türık padişahtary arqyly Türkiiaǧa, odan ärı Avstriia men Gollandiiaǧa taratyldy. Qazırgı kezde Gollandiia elı qyzǧaldaqtyŋ türlı sorttaryn şyǧaruda. Elbasy N.Nazarbaevtyŋ maqalasy şyqqannan keiın, Gollandiiada 3 türlı sortty qyzǧaldaqtyŋ türı daiyndaldy. Atap aitqanda, «Prezident Nazarbaev», «Respublika Kazahstan», «Astana» sorttary», – deidı biologiia ǧylymdarynyŋ kandidaty Bahadur Iýsupov.
Türkıstan qalasynyŋ tūrǧyndary men qonaqtary Elbasy atymen atalatyn äsem qyzǧaldaq gülın universitittıŋ botanikalyq baǧynan tamaşalai alady. Universitet ǧalymdarynyŋ qyzǧaldaq ösırudıŋ zamanaui tehnologiialaryn igeruınıŋ arqasynda biylǧy jyly Botanikalyq baqta qyzǧaldaqtyŋ 7 sorty ösırılıp, güldedı. Universitet ǧalymdarynyŋ qyzǧaldaqtyŋ būl türın jappai ösırudı qolǧa almaq. Sondai-aq qyzǧaldaq gülınıŋ jaŋa sūryptaryn şyǧaru baǧytynda da zertteu jūmystary jürgızılude.
«Adyrna» ūlttyq portaly
