Altyn qursaqty ana 14-sábıdi dúnıege ákeldi

3133
Adyrna.kz Telegram

Almaty oblysy Kerbulaq aýdanynda batyr ana 14-sábıin dúnıege ákeldi. Qazaqstandyqtardyń sanyn molaıtýda ózgelerge úlgi altyn qursaqty ananyń otbasyna 2019 jyly Saryózek aýylynan kóp balaly sanatymen turǵyn úı berilgen bolatyn.

Sársenbaı Sadýaqasov pen Gúlnaz Jeńisbaıqyzynyń shańyraq kótergenine bıyl 27 jyl bolǵan. Búginde úlgili shańyraq 10 qyz, 4 ul tárbıelep otyr, 3 nemere ósirip otyr.
Kerbulaq aýdandyq ákimdiginiń málimetine súıensek, mektep qabyrǵasyndaǵy bes bala oqý quraldarymen, sporttyq kıimmen, mektep formasymen tolyq qamtamasyz etilgen, úsheýi balabaqsha jasynda. Pandemııa kezinde onlaın oqýlaryna qajetti noýtbýk te mektepten berilgen. Qyzy Aıjan sporttyń erejesiz jekpe-jek túrine qatysyp, júldeli oryndarǵa ıe bolyp júr. Otaǵasy Sársenbaı Sadýaqasov mashınıst, mehanık, dánekerleýshi sııaqty kásipterdi meńgergen. Onyń aıtýynsha, jigitke jeti óner shynyn da azdyq etedi eken.

- Ómirdiń máni de, sáni de - bala. Densaýlyǵym jetse, bala týýdan qashpaımyn. Qazaq «balany jastan» degendi beker aıtpaǵan. Úlken qyzym muǵalim. «Aldyńǵy arba qaıda barsa, sońǵy arba sonda júredi» deıdi, sondyqtan aldyńǵy ul-qyzdardy jaqsy tárbıeleseń, sońǵylary solarǵa eliktep, úlgi etip ósedi dep oılaımyn", - deıdi altyn qursaqty ana Gúlnáz Jeńisbaıqyzy.

Pikirler