El prezidentı Q.Toqaev öz joldauyna būqara men bilık arasyn jaqyndatu maqsatynda "Halyq ünıne qūlaq asatyn memleket" tūjyrymdamasyn ūsynǧan bolatyn. Osy tūjyrymdy jüielı jüzege asyru maqsatynda Almaty oblysyna qarasty Şeŋgeldı auyldyq okrugınde halyqqa bır jerden elektrondy negızde qyzmet körsetetın servistık äkımdık aşyldy. Oǧan Almaty oblysy äkımınıŋ orynbasary Jeŋıs TŪIаQOV, Qazaqstan Respublikasy Sybailas jemqorlyqqa qarsy ıs-qimyl agenttıgınıŋ Almaty oblysy boiynşa departamentı basşysynyŋ orynbasary Jandos JŪMABAEV qatysty.
Ortalyqta halyq pen memlekettık qyzmetker arasynda aşyqtyq, qoǧamdyq dialog, köptıŋ mūŋ-mūqtajyna jedel kömek körsetu prinsipı negızınde jedel qyzmet jüzege asyrylmaqşy.
Jinalǧandar aldynda söz alǧan oblys äkımınıŋ orynbasary Jeŋıs Tūiaqov oblysta osyndai 20 servistık ortalyqtyŋ aşylǧandyǧyn aitty. Onyŋ sözınşe, halyqqa körsetıletın 170 memlekettık qyzmettıŋ bügınde 153-ı elektrondy negızge köşırılgen.
Jeŋıs Şylbynūly servistık ortalyqqa mügedekter arbasymen kıretınder üşın jasalǧan pandus pen şaqyru qoŋyrauynyŋ sapasyna köŋıl böldı. Servistık äkımdıkte jer qatynastary, säulet, TKŞ jäne tūrǧyn üi inspeksiiasy, äleumettık qamsyzdandyru, jūmysqa ornalastyru, bılım beru, qūjattardy qabyldau jäne beru mäselelerıne jauapty mamandar qyzmet etedı.
Ortalyqtyŋ saltanatty aşyluynda Qapşaǧai qalasynyŋ äkımı Nūrlan Qūmataev atalmyş okrug boiynşa Şeŋgeldı, Kerbūlaq, Sarybūlaq, Qosqūdyq, Aqözek auyldarynda özıne-özı qyzmet körsetu būryştary bar ekenın aitty. Ol bolaşaqta qūjat räsımdeu mäselesın būdan da keŋeite tüsetınderın jetkızdı.
Şarada Qapşaǧai qalasy aqsaqaldar keŋesınıŋ töraǧasy Amangeldı Besbaev söilep, Qapşaǧai men Şeŋgeldınıŋ arasy 47 şaqyrym ekenıne toqtalyp, eldı mekennen servistık ortalyqty aşudyŋ tiımdılıgıne toqtaldy.
Ūqsas jaŋalyqtar
