Qazaqstan halyq partııasynyń májilistegi frakııasy múgedekterdiń zeınet jasyn tómendetýdi usyndy.
Depýtat Erlan Smaıylov qazirgi kezde memleket tarapynan múgedek adamdardyń quqyǵy men múddesin qorǵaý maqsatynda birqatar sharalardyń atqarylyp jatqandyǵyn aıtty. Ókinishke qaraı jumys isteıtin múgedek adamdardyń zeınet jasyn tómendetý máselesi qaralmaǵan.
«Múgedekterdi jumyspen qamtý jáne olarǵa tolyqqandy jaǵdaı jasaý mańyzdy basymdyq ekeni daýsyz. Sonymen birge múgedek eresek adamdardyń fızıologııalyq jaı-kúıin, densaýlyq jaǵdaıyn da eskerý qajet. Jas ótken saıyn aýrý kúsheıedi jáne múgedek adamdarǵa 63 jasqa deıin jumys isteý qıynǵa soǵady. Soǵan qaramastan olar jumys isteýdi jalǵastyra beredi. Óıtkeni múgedektik boıynsha alatyn járdemaqy mardymsyz. Sosyn zeınetaqyny kóbirek alý úshin zeınetke shyqqanǵa deıin jumys isteýge májbúr», - dedi Smaıylov.
Sonymen qatar depýtat múgedekterdiń zeınet jasyn tómendetkende densaýlyq jaǵdaıyn, dıagnozdy, eńbek sıpatyn jáne taǵy basqa máselelerdi eskerý kerektigin de aıtyp ótti.
«Biraq olar kóp balaly analar sekildi ortasha 55 jasta zeınetke shyǵý kerek. Zeınetke shyqqan múgedek adamdardy zeınetaqymen qamsyzdandyrý tetigi jeke pysyqtaýdy qajet etedi. Mysaly búgingi kúni múgedektik boıynsha tólenetin járdemaqyny jáne qosymsha zeınetaqynyń bir bóligin alýǵa bolady», - dedi ol.
"Adyrna" ulttyq portaly
