Bügınde aiaq-qoly bütın, qūlqyn sau, maŋaiy bütın bola tūra ömırden baz keşıp, küpırlıkpen kün keşıp jürgen jandardy qoǧamnan jiı kezdestıruge bolady. Täŋırdıŋ bergen şeksız mümkındıgın dūrys paidalanbai, altyn uaqytyn tekke ötkızıp jürgenderı qanşama? Şyny kerek, keide solarǧa qarap ıştei nalisyŋ. Bız osy oraida ekı aiaǧy arbaǧa taŋylyp qalǧan Saǧdat Melısūlynyŋ ömırge degen qūştarlyǧy häm onyŋ sporttaǧy jetıstıgı özgelerge ülgı bolsyn degen nietpen qalam terbegendı jön kördık.
S.Düisembaev – Köksu audanynyŋ tumasy. Sadaq atudan (mügedekter arasynda) Qazaqstannyŋ ekı dürkın chempiony jäne sport şeberı degen bıldei bır ataǧy bar. Endı ol mūndai jetıstıke qalai jettı? Onyŋ mügedekter arbasynda otyruyna ne sebep? Äŋgımemızdı osydan bastasaq.
Saǧdat 2005 jyly Pavlodar qalasyndaǧy bır zauytta tasymaldauşy bolyp qyzmet atqarǧan. Taǧdyrdyŋ jazuy bolar sol jaqta jürgende boiyna auyr beinettı jabystyrypty.
- Bırde demalys uaqytyn paidalanyp, Ertıs özenıne şomyluǧa barǧanmyn. Sonda suǧa süŋgımek bolyp, jerge moinymmen qūladym. Omyrtqama qatty zaqym tidı, - dedı keiıpkerımız.Saǧdat ota jasatqan soŋ Pavlodarda üş ai jatyp, keiınnen Taldyqorǧanǧa oralǧan. Ömırı kürt özgergen ol bastapqyda qatty qinalǧanyn jasyrmady. Myna jaryq älem, qorşaǧan orta barlyǧy oǧan qyzyqsyz bolyp qalǧandai körındı. Alaida, jaqyndarynyŋ demeuımen keiıpkerımız eŋsesın tıktep, ömırge degen mahabbatyn qaita oiata bıldı. Tıptı, densaulyǧy dūrystalǧan boida, «elden qalyspaiynşy» dep jūmys jasaǧan künderı de bolǧan eken. Iаǧni ol alǧaşqyda kölıkke otyryp, qala ışınde bıraz taksi qyzmetın atqaryp körıptı. Uaqyt öte kele būl densaulyqqa ziian ekenın tüsınıp, raiynan qaituǧa tura kelgen. Degenmen, boiynda jıgerı tasyp tūrǧan azamatqa üide bos jata beru – auyr tidı. Bır närsemen ainalysqysy, aiaqqa jabysqan keseldı ūmytqysy keledı-aq. Endı, qaitpek kerek? Negızı Saǧdat būrynnan sportqa äues edı. Äsırese, futbol dese bar ısın keiınge şegeruge äzır tūǧyn. Ökınıştısı sol, endı oǧan būl sporttyŋ esıgı jabyq. Bıraq, batyl jıgıt elderden sūrastyra kele basqa sporttan özınıŋ ornyn taba bıldı.
- Sadaq atu – tözımdılıktı, däldıktı, qyraǧylyqty talap etedı. Syrt közge oŋai körınetın şyǧar, bıraq būl sporttyŋ da maşaqaty köp. Mäselen, bız künıne 100-150 ret oq atamyz. Sadaqty tartqan saiyn qolǧa ülken küş tüsedı. Köbısı būǧan şydamaidy, - deidı sadaqşy.Saǧdat Melısūlynyŋ būl salada jürgenıne biyl 5-şı jyl. Alǧaşqyda mügedekterge arnalǧan oblystyq mamandandyrylǧan sport mektebıne kelgende onyŋ mümkınşılıgıne sai keletın arnaiy sadaq joq bolypty. Sonyŋ saldarynan bıraz uaqytyn joǧaltyp alǧan eken. Degenmen, sätı tüsıp, soŋǧy ekı jylda sadaq atumen bılek türe ainalysyp keledı. 2019 jyly sport şeberlıgıne ümıtker bolsa, biyl sport şeberı ataǧyn ielenıp otyr. Soŋǧy jetıstıgıne keler bolsaq, bır ai būryn ǧana Almaty qalasynda ötken el bırınşılıgınde ekı altyn, bır kümıs medaldı enşılegen. Ol jerde sportşy sadaq atudyŋ üş türlı erejesı boiynşa şeberlıgın synapty. Mūnyŋ aldynda (2019 jyly) Talǧar qalasynda ötken Qazaqstan chempionatynda bır altyn, bır kümıs medal taǧyp qaitqany bar. Saǧdat qazır Chehiiada ötetın älem bırınşılıgıne qyzu daiyndaluda. Aşyq aspan astynda jattyǧu jasap, şeberlıgın barynşa şyŋdap jür. Armany – sol jerden joldama ūtyp alyp, Japoniiada bolatyn parolimpiadalyq oiyndarǧa qatysu. Osylaişa, älemdık arenada elımızdıŋ kök bairaǧyn biıkten jelbıretkısı keledı. Bızge onyŋ bapkerı Aibek Beisembaevpen de äŋgımelesudıŋ sätı tüstı. Qazır ol S.Düisenbaevtan bölek, Qairat Syrqūlov, Aleksandr Riabov, Alla Griznova syndy mümkındıgı şekteulı jandarǧa da bılgenın üiretıp keledı.
- Mügedekterge arnalǧan oblystyq mamandandyrylǧan sport mektebınde jūmys jasaǧanyma biyl 10 jyl boldy. Bügınde 8 sportşymen jūmys jasap jürmın. Olardyŋ jetıstıkterı de aitarlyqtai. Mäselen, nauryz aiynda Qazaqstan chempionaty öttı. Būl dodadan sadaqşylarymyz 9 altyn, 4 kümıs, 3 qola medaldı enşılep qaitty. Endı şılde aiynda Chehiiada parolimpiada oiyndaryna ırıkteu saiysy ötpek. Qazır soǧan daiyndalyp jatyrmyz, - deidı A.Beisembaev.Ol osy bairaqty bäsekege 4 sportşyny aparmaq niette. Onyŋ ışınde bızdıŋ keiıpkerımız de bar. Bapkerdıŋ sözıne süiensek, Saǧdat qazır babynda tūrǧan sadaqşy. Bır sözben aitqanda bolaşaǧynan zor ümıt kütuge bolady.
Ūqsas jaŋalyqtar
