Ábilıazov pen Hrapýnovtyń bastaryna kún týdy

4366
Adyrna.kz Telegram

Nıý-Iork federaldy soty Muhtar Ábilıazov pen Ilıa Hrapýnovtyń júzdegen mıllıondardy urlaǵany jáne jylystatqanyna qatysty talaptar «sotta máni boıynsha qarastyrylsyn» dep qaýly etti. Bul týraly QR Ádilet mınıstrliginde aıtty, dep habarlaıdy «Adyrna» ulttyq portaly QazAqparatqa silteme jasap.

«2021 jylǵy 29 naýryzda AQSh Okrýgtik sotynyń sýdıasy Elıson Neıtan M.Ábilıazov pen I.Hrapýnovtyń ótinishin qabyldamaı, barlyq tórt talapty (zańsyz ıemdený; negizsiz baıý; menshik quqyǵy jáne Nıý-Iorktiń azamattyq praktıkasy týraly erejeleri men § 5239 zańyna sáıkes talap qoıý) sotqa jiberýge ruqsat berdi. Sýdıa Neıtan usynylǵan maǵlumattardyń qomaqty tizimin muqııat zerdeleýdiń negizinde Triadou-dyń AQSh-qa ınvestıııalaǵan qarajatyn Muhtar Ábilıazovtiń urlaǵanyn, keıinnen olardy AQSh-ta Ilııas Hrapýnovtyń jáne basqalardyń bile tura jylystatqandyǵyn rastaıtyn «eleýli dáleldemelerdiń» bar ekenin atap ótti», - delingen QR Ádilet mınıstrliginiń aqparatynda.

Sýdıa Elıson Neıtan barlyq tórt talapty sotqa jiberý kerektigin sheshken. «Sondaı-aq, sýdıa Neıtan Triadou-dyń BTA-dan urlanǵan aqsha Tradestock-qa berilgen nesıelerdiń jıyntyǵy bolyp tabylatyndyǵy jáne olardyń keıinnen tolyǵymen qaıtarylǵandyǵy týraly ýájin tolyǵymen joqqa shyǵardy. Bul ýájdi qabyldamaı, sýdıa Neıtan Ábilıazovtiń BTA-ny aldaý úshin óziniń jalǵan kompanııalaryna jalǵan nesıe bergenin egjeı-tegjeıli aıtyp berdi (BTA-dan alynǵan «nesıeni» odan keıin BTA-dan urlanǵan qarajat esebinen óteý). Sýdıa Neıtannyń kelesi anyqtamasyn atap ótken mańyzdy: «banktiń burynǵy tóraǵasy Muhtar Ábilıazov óziniń yqpalyn ózi baqylaıtyn kompanııalarǵa jalǵan nesıe berý arqyly mıllıondaǵan dollardy urlaý úshin paıdalandy.

Bul qarajattardyń shyǵý tegine úńilsek, olardyń jasandy kompanııalardyń labırınti arqyly Triadou-ǵa kelgendigi kórinedi. Bul dálelder kez kelgen bilikti alqabıdiń Triadou aqshanyń urlanǵandyǵyn bile tura, olardy jylystatýǵa kómektesken degen qorytyndy jasaýyna múmkindik beredi» . Sýdıa Neıtan sonymen qatar derekterdiń «Vıktor Hrapýnovtyń qala ákimi bola tura, Almatydan mıllıondaǵan dollar jymqyrǵandyǵyn» rastaıtyndyǵyn jáne AQSh-qa salynǵan barlyq aqshanyń izi BTA-ǵa deıin baıqalatyny sózsiz ekendigin anyqtady», - delingen mınıstrlik saıtynda. Málim etilgendeı, AQSh sýdıasy E.Neıtannyń Triadou-dyń jedeldetilgen sheshim qabyldaý týraly ótinishin qanaǵattandyrýdan bas tartý týraly sheshimi BTA-nyń óziniń Triadou-ǵa qarsy talap-aryzdaryn jáne M. Ábilıazov pen I. Hrapýnovtyń quqyqbuzýshylyqtarynyń dálelderin Nıý-Iork sot zalyndaǵy alqabılerdiń nazaryna usynýyna múmkindik berdi.

Endi ótinimhattar qaralyp bolǵandyqtan is sotqa jiberiledi. COVID-19 shekteýlerine baılanysty sońǵy sot otyrysynyń naqty kúni keıinirek belgili bolady. QR Úkimetiniń konsýltanty – «Boies Schiller Flexner LLP»-dyń seriktesi Mettıý Shvar: «Talapkerler sottyń usynylǵan dáleldemelerge muqııat nazar aýdarǵandyǵyn joǵary baǵalaıdy. Ablıazov, Hrapýnovtar jáne olardyń sybaılastary sot proesine adal qatysýdan birneshe ret bas tartyp, kóptegen sot qaýlylaryn buzǵandyǵyna jáne dáleldemelerdiń bir bóligin qasaqana joıǵandyǵyna qaramastan, olardyń quqyq buzýshylyq jasaýǵa qatystylyǵyn rastaıtyn qujattardyń kólemi jetkilikti. Talapkerler bul dáleldemelerdi Nıý-Iork alqabıler sotyna usynýdy asyǵa kútýde», - ekendigin málimdep, qabyldanǵan sheshimdi qorytyndylady.

Nıý-Iorktegi «Flatotel» sot talqylaýyna Qazaqstan Respýblıkasynyń Ádilet mınıstrligi (Almaty qalasy ákimdiginiń atynan) «BTA Bank» AQ – men birlesip, bes jyl buryn Ábilıazovtiń, Hrapýnovtar otbasynyń jáne olardyń qylmystyq sybaılastarynyń urlanǵan aqshany AQSh-ta jylystatqany úshin aıyptaý boıynsha bastamashylyq jasaǵan bolatyn. Ábilıazov jalǵan nesıe berý arqyly BTA-dan mıllıardtaǵan dollar urlady, ol úshin ol Qazaqstanda sottalyp, Birikken Koroldiktiń sottary ony kináli dep tanydy. AQSh-taǵy is júrgizý barysynda talapkerler Ábilıazovtiń quqyqbuzýshylyqtaryn rastaıtyn qosymsha eleýli dálelder jınady, sondaı-aq kóptegen kýálardyń jaýaptaryn sotta qamtamasyz etti.

Pikirler