Almaty qalasy fızıka-matematıka baǵytyndaǵy Nazarbaev Zııatkerlik mektebiniń 11- synyp oqýshysy Azamat Jaqsylyqov hımııadan 55-shi Halyqaralyq Mendeleev olımpıadasynyń qola medalin jeńip aldy, dep habarlaıdy «Adyrna» tilshisi.
Jeńimpazdar esimi 26 sáýirde belgili boldy. Halyqaralyq olımpıadaǵa álemniń 28 elinen kelgen 140-tan astam oqýshy qatysty.
Bıyl qazaqstandyq komandanyń namysyn on oqýshy qorǵady, onyń tórteýi - Nazarbaev Zııatkerlik mektebiniń oqýshylary. Ulttyq komanda quramy: Qaırbek Haıdar, Kıbrııanýr Abdýgafarova, Áıgerim Turysbekova, Azamat Jaqsylyqov, Madııar Qasymaly, Ámir Álmýhanov, Sanjar Bısenálı, Ernazar Qýan, Baqdaýlet Seısenqul jáne Asanáli Sálem. Otandyq oqýshylar 2 kúmis, 8 qola medaldy qanjyǵalap, Qazaqstannyń týyn bıikte jelbiretti.
Aıta ketý kerek, Mendeleev olımpıadasy mektep oqýshylary arasynda hımııa páninen álemdik deńgeıdegi eń mańyzdy eki jarystyń biri sanalady. Bıyl ol qashyqtan uıymdastyrylyp, eki teorııalyq týrdan turdy. Sarapshylar atap ótkendeı, Olımpıada tapsyrmalary jarty jyl daıyndalǵan. Óıtkeni, Mendeleev olımpıadasynyń tapsyrmalary kúrdelilik deńgeıi boıynsha keıde Dúnıejúzilik olımpıadanyń tapsyrmalarynan asyp túsedi.
«Adyrna» ulttyq portaly
