Tenderden paida tabatyn mekemenı bırıgıp qūrǧan tuǧan bauyry jauaptan beruden at-tonyn ala qaşty. Olardyŋ maqtauyn asyryp, özgelerdı investisiia qūiuǧa prodiuser Baian Alagözova şaqyryp jarnamalaǧan. Aldanǧanyn endı tüsıngen jūrt jappai polisiiaǧa aryz jazyp jatyr, dep habarlady KTK.
"Būl Qazaqstandaǧy tenderlık jobalarǧa aqşa salu arqyly eş qauıptenbei-aq aqşa tabuǧa bolatyn jalǧyz kompaniia...".Baian jarnamalaǧan būl kompaniiaǧa jūrt aǧylyp kelgen. Al sol "Astekstıŋ" basy-qasynda jürgen – aǧaiyndy Şyŋǧys pen Almas Qūrmanǧalievter. Tenderden teŋge tabuǧa kömektesıp, olardyŋ klientın köbeitu üşın būl ıske "Mudaraba kapital" mekemesı deldal retınde tartylypty. Endı olardyŋ özı jūrtpen bırge aldandyq dep, azyn jazǧan.
"Bır apta būryn "Asteks" kompaniiasynyŋ direktory Almas Qūrmanǧalievtıŋ atyna aryz jazyp, ıs qozǧaldy. Būl kompaniiany 2019 jyly Almas jäne Şyŋǧys Qūrmanǧalievter qūrǧan. Jarnamalaryn körıp qyzyqtyq. Şyŋǧys tenderge qatysuǧa oqytady. Al Almas tenderdı ūtuǧa kömektesedı. Bız agent kompaniia retınde jūmysqa kırısıp, endı aldanyp qalyp otyrmyz", - deidı Mudarabah Capital kompaniiasynyŋ bas direktory Ruslan Burkanov.Olar tenderden ūtqan somanyŋ 20 paiyzyn aradaǧy agent kompaniiaǧa berıp otyrady. Al deldal mekeme aiyna salymşyǧa qūiǧan somasynyŋ 7-8 paiyzyn audarady. Salymşylar kemı 5 million teŋgeden qūiuǧa tiıs bolǧan. "Mudarabany" da eldegı tanymal vainerler jarnamalap, el qūlaǧyn eleŋ etkızdı. Endı keşırım sūrasa taŋǧalmaŋyz. Aldanǧandardyŋ bırı – Arailym. Jarymen käsıp bastauǧa jiǧan qarjysyn "Astekstıŋ" aranyna tastaǧanyn keş ūqqan.
"Blogerler jarnamasyn jaqsylap berıp jatty, bız solai şeştık, investisiia bereiık dedık. Bız ekı ai küttık. Ekı aidan keiın taǧy bermedı. Baryp şartty būzdyq. Bıraq sodan keiın öz aqşamyzdy ala almai qaldyq. Mıne, bes ai boldy", - deidı ol.Arailym sekıldı aldanǧandar 200-ge juyqtaidy. Ainalyp kelgende 2 milliard teŋgenı qaltasyna basqan Almas Qūrmanǧaliev agent mekemenı de, olarǧa sengen salymşylardy da san soqtyryp ketken. Al tuǧan bauyry Şyŋǧys "būl bylyqqa qatysym joq" dep, özıne şaŋ juytar emes. Tıptı "aǧammen arazbyn, aralaspaimyn, özı jauap bersın" dep sūraqtan sytyldy.
"Būl kompaniiany menıkı dep eseptegenmın. Almas "Asteks" brendın paidalanyp, "Asteks kz" dep atauyn özgertıp, jūmysyn "Mudaraba kapitalmen"jürgızdı. Endı menı aralastyrmai, Almas pen Ruslan Burkanov salymşylar aldyndaǧy şarualaryn özderı şeşsın", - deidı Şyŋǧys Qūrmanǧaliev.Bır qyzyǧy, "aǧammen arazbyn" degenmen, Şyŋǧys pen Almas Qūrmanǧalievtıŋ keŋsesı bır ǧimaratta. Ekeuı de osyǧan deiın ıstı bolǧan. Almas Qūrmanǧaliev 2010 jyly monopoliiaǧa qarsy inspeksiiada jūmys ıstep jürıp, 5 myŋ dollar para alǧany üşın sottalsa, Şyŋǧys sol jyldary qarjy polisiiasynyŋ qyzmetkerı bola tūra, zaŋsyz oiyn biznesın ūiymdastyrǧany üşın jaza arqalaǧan. Aiybyn ötegen soŋ aiaqasty tenderge bet būrǧan aǧaiyndylar ol kezeŋdı ne rastaǧysy, ne joqqa şyǧarǧysy kelmeidı. Al polisiia departamentı kümändı kompaniiaǧa qatysty tekserıstı salymşylar aryzynyŋ negızınde bastap kettı.
"Qazır män-jaiyn anyqtauǧa jäne kınälılerdı jauapqa tartuǧa baǧyttalǧan tergeu ıs-şarasy jürgızılude", - dep tüsındırdı Almaty qalasy PD resmi ökılı Saltanat Äzırbek.Atalmyş ıstegı küdıktılerdıŋ tızımı köbeiuı mümkın. Almas Qūrmanǧalievke kömekteskenderdıŋ arasynda Timur Ospanov degen keŋesşısınıŋ aty atalady. Ol jaǧyn tergeu naqtylaidy. Aryz tüskenmen, nege ekenı belgısız, ūşty- küilı joǧalǧan Almas Qūrmanǧalievke älı ızdeu jariialanbady. Beiresmi derek boiynşa, ol milliardtarymen Gruziiaǧa ketıp qalǧan.
