Shymkent qalasy ıfrlandyrý basqarmasy tarapynan 2021 jyldyń 1 toqsanynda birqatar jumystar júzege asty. Basqarma basshysy Áset Ábdirahanov atqarylǵan jumystardy baıandady.
Basqarma basshysynyń aıtýynsha, «ıflyq Qazaqstan» memlekettik baǵdarlamasy aıasynda qalany sapaly ınternetpen qamtý 3 kezeńge bólingen. 1 kezeńdegi jumystar tolyq aıaqtaldy. 2 - kezeńde 14 eldimeken qarastyrylyp, koordınatalary mobıldi baılanys operatorlarymen kelisildi. Atap aıtqanda, Tassaı jáne Yntymaq-2 (Turlan) shaǵynaýdanynda jer qazý jáne beton quıý jumystary atqarylsa, A 2 aınalma joly, Aeroport mańy, Soltústik-Batys, Qaınarbulaq (saıajaı alaby), R-32 trassasy (Sıqym), Qursaı shaǵynaýdandarda jer telimderin rásimdeý jumystary bastaldy.
Budan bólek, 3-kezeń úshin talshyqty-optıkalyq jeli tartý maqsatynda qala aýmaǵyndaǵy 30 turǵyn alap anyqtalyp, olarǵa optıkalyq jeli tartý jumystary júrgizilýde. Atalǵan jumystardyń barlyǵy jeke ınvestorlar esebinen atqarylatyn bolady. «Samǵaý-Telkom» kompanııasy tarapynan Tassaı, Tasken turǵyn alaptaryndaǵy 2 kóshege (200 úıge) kabel júrgizilip, turǵyndardan qosymsha ótinimder qabyldanýda.
Sonymen qosa, aǵymdaǵy jyldyń shilde aıynyń aıaǵyna deıin turǵyndar kóp shoǵyrlanatyn jerlerde 30 tegin wi-fi núkteleri ornatylatyn bolady.
FOTO: Bereke SEIITJAPPAR
Shymkent qalasy ákimdiginiń baspasóz qyzmeti
