Shymkent qalasynyń jolaýshylar kóligi jáne avtomobıl joldary basqarmasynyń basshysy E.Joldasov 2021 jyldyń I-toqsanynda atqaryǵan jumystardy baıandady.
Basqarma basshysynyń aıtýynsha, búgingi tańda qalada qurylys-jóndeý jumystarymen 168 nysan qamtylǵan. Onyń 134-i jańa nysandar bolsa, qalǵan 34-i ótken jyldardan ótpeli nysandar. Jyl qorytyndysy boıynsha 155 nysan (248,8 shaqyrym) paıdalanýǵa beriledi. Atap aıtqanda, qurylys-qaıta jańartý – 5, kúrdeli jóndeý – 4, ortasha jóndeý – 138.
2021 jyldyń 1-toqsanynda jospar boıynsha qurylys jóndeý jumystary bastaý alyp, 1,1 mlrd. teńge ıgerildi. Onyń ishinde, aýqymdy jobalar – Qonaev-Rysqulov kósheleriniń qıylysyndaǵy jolaıryq, Qonaev dańǵyly jalǵasynyń 1-shi jáne 3-shi kezeńderi, A-2 avtomobıl jolynyń 2-shi kezeńi.
Aǵymdaǵy jyly iske asyrý josparlanǵan ortasha jáne aǵymdaǵy jóndeý jumystary qyrkúıek aıynda tolyǵymen aıaqtalady.
FOTO: Bereke SEIITJAPPAR
Shymkent qalasy ákimdiginiń baspasóz qyzmeti
